I avio n'iage sarvan que voulio mariàsse. Al anàvo souventi parlè à 'na fio, ma questo voulio pa spousa-lou. Lou sarvànot tantoutun countunavo chaprinious à ané da quiello. En savent pa couma fé, la mendìo alouro chama counséi à souo mirino, en desènt-oe tout. Quiello alouro i a dich de fé vieste siou fraire bou uno di sie cotte, e de fa-lou filé al quiar dal lume, 'din l'estàbi.

E paréil al é stà. Lou sarvanot couma d'abitudo, de sero al è entra en t'la vòuto e al é ana groupignasse arent à souo «finto' mourouso. Ma, apré quarque munute, bou 'na sourpréso al a dich: - Hoi! Filo Filero, l'é pa pi la filero di aute sere.

- Trosso balosso, la fusé ven mai pi grosso.

E alé sourti d'en t'l'estabi de courso;

Per tre ou quattre sere la s'è pa pi fach viv, ma apré al é mai artourna arent à la ca, n'ante stavo la mendiò, e al è entrà ent 'la vòuto per trouva-lo. Aprè qu'al è sta parti, la fìo i è anè per la secoundo vinco da souo mirino per arcounsiasse. Aquesto vinco la sourtijo d'la mirino i é sté anqué pí desschentré: en efet ia a dich de míngé en toc de' pan e d'aquel mentre fé 'na coso que me semehio sié miei pa scrive, (ma que se capiré péi dai mout dal sarvan).

E paréil, bello 'sto vinco la mandio a scuota siou counsei.

Lou sarvanot, en savent que sio mourouso anavo jo mai en t'l'estàbi à filé, al é artourna, ma al a vist bou sourpréso e desgust 'na coso pa gaire bello, e el a dich:

- Porco vacho, mangio e cago. E al a escapa vio per mai pi artournè.

 

Cuijo da Claudio Civalleri a Ruà Grando de Fraise 1970.