Venun sunà cum'acò les decisiun ch'a pres lu guvernament italion per tacunà l'ecunumio italiano che fai algo d'en pertut. Se poi pa di sigürament de nu: aigo ne fai pituest, e a l'es ch'en chalìo far carcaren, ma pulen decò pa di nu a lu sens e a la sustanso de la paraulo: «STANGATA». Per nuzauti d'les valades es propi 'na batosto.

Anén a veire carcüno d'achestes cozes:

LUCE: creisü lu presi per lu 15 per sent.

Les valades usitanes pruduciun tüti li ans dezenes e dezenes de miliard de forso (energia elettrica). An pa gio mai agu ren en pago u mec de brizes da far unto.

Le nostes cumünes e burgià sun 'stà les drieres a pulé avivar 'na lampadino.

La i a de cumünes entieres 'mbe en pau de burgià che encui cumo encui sun encà senso chiar (elettricità), u devun fabricas'lo da lur e nu pa avelo da l'Estat italion cumo serìo lur drech (es. Ciastelmagn e d'autres). Curo l'Estat lur i fai la grasio de purtailo devun pagar 'na sciupatà per kilowatt cumo alaciament (es. 50.000 per KW a Elvo - Val Mairo ent'achesti derìe le temp).

TELEFUNU: pa mec sien 'stà i derier che l'an 'gu (cumo per la forso), ma eiro nu cial pagalu lu 22 per sent de mai.

Se cuntio pa che per nuzauti, dins li piciot pais, 'scazi tutes les telefunà sun per forso «interurbane» e aluro cumo fazarén a permetese 'ncà de telefunar?

La pu griso aluro es la BENZINO: 500 lires lu litro.

Sien ubligà a trubar de trabai da luegn, dins la piano. Servisi public la n'a gaire, le burgià sun senso dal tut. DEVENCU VULAR U PIAR L'AIGHIO?

Pa mec l'Estat italion e fach mürir la nosto ecunumio, pa mec robo e 'sfrücio tüci i giurn les rezurses, dles valades, (aigo, forso, caves, minieres, resparme, türisme, ecc.), per finansiar l'ecunumìo subretut endüstrialo de la piano piemuntezo, ligure, ecc., e nuzauti 'sten a bucà (Zones d'esvilüp foro d' les valades, Cumprensori cumandà da les groses e grases sità), ma eiro fai encà pagà a nuzauti lu Rezültat d'acheste dezastre.

Noste ubrié pago tüci i giurn de mai per anà a trabaià e l'emigra (per forso) a Torino, Cuneo, Saluzzo, Pinerolo, ecc., pago sempe de mai per turnà a la diamengio a lu paìs e pa sentese en furestìe.

La «STANGATA», cumo es 'stà facio, encà en bot purtaré a fa partir achei che restun isì amun, purtaré a la cuncentrasiun de gent din les sità, a escartà achei che sun giò dementià.

Es enca en bot la pulitico de resparme pr'achel ch'à sempre resparmià. La pulitico che, magaro apres na brizo de temp, custaré a l'Estat e a tuci (i paure), de mai d'acò ch'a rendü.