Estimà Ousitanio Vivo

Coumo que siou està envità e ai partecipà al counvenh de l'assouchasioun AUGUSTA d'Issime (Val del Lys), que reunis tuchi i Walser de la Vallée d'Aoste ai pensà de vous escrive per dounà coumunicasioun d'acò q'an dich e que pol enteresà decò Ousitanio Vivo. Aquilh de AUGUSTA espetoun que i minouranse se fasen vive, que i escriven, que se troben. Per acò, pensou ben, se pol mandà carque numre dal journal a: AUGUSTA - Maison communale, 11020 ISSIME (AO).

Chal dir que i Alman del Lys travaien ben e abou sensibletà, e la revisto AUGUSTA, que sort tuchi i an ent'aquesti temp, es fort enteresanto.

Mec eico: es tout. Auro vous saludou abou touto mio counsiderasioun.


Jusep Goria

 

Rengrasièn de cor l'amis Jusep Gorla per la presiouzo enfourmasioun que nous a dounà e sigurament se navizaren apres a soun counselh de mandar noste journal a AUGUSTA, l'Asochasioun de li Walser de la Vallée d'Aoste. Encà d' mai lou rengrasién e estimén per lou countat que tién abou Ousitanio Vivo que demoustro soun enteresament a la caouzo ousitano e la sio coulabourasioun.


Lou Diretour