Dins i derier mes i a agù en pau de trabai per la prezo de counsienso ousitano. Coumo moument lou mai empourtant voulen parlà isì de les serades que se soun faces lou mes de avoust e setembre a Roucavioun en Val Vermenanho embé lou chantaire Dayre d'Angel e I Dansaíre de S. Peyre - Val Varacio e pei encà a Andon en Val Ges sempre embé Dayre.

 

Empourtant es decò està la partecipasioun a lou «Festival dell'Avanti» lou mes de setembre a Cuneo. Isì es està tengù un «stand» ousitan per tres journs e es està fach n'espetacle de chansoun e de danses dins l'apres mesjourn de la diamenjo.

 

Soun està toutes tres des oucazioun ben ourganizà e ben reusìes per I'empenh d'aquei qu'an menà lou trabai e per la respoundenso e l'entuziasme de la jent.

 

Brave a tuci per l'asioun facho e gramasìs a n'aquei que nous an dounà l'oucazioun de pourtà la parolo e l'ideio ousitano a nosto jent e a n'aquei que voloun sente 'na vous que demando justisio, demoucrasio e libretà.