Couro parlen de unità dla culturo ousitano, lou fazen perqué ne sen counvint e perqué coum'acò sènten e dìen i nosti viei. Ma se la fazes pei manco de pourtà de prove, v'isì lou rezultà de 'n pichot estudi qu'aven fach en Val Varacho ("Varaita") e en Val Cluzoun ("Chisone"}.
Tout lou "texte" es counisù en Val Varacho fin a Fràise, e beleou decò pus en aval, ma nou pa de n'"invoucasioun" souleto, se trato de touquet espartì.
En Cairas (lou Frans'Aout de nosto gent), pareis que l'"invoucasioun" sierve pa pus a gaire. Da nouzàouti l'es lou countrari: a l'Ubac de Fràise ("Frassino"), lou touquet que parlo dal souléi (ou dla nebio) e de l'aze mort sierv a fà sorte lou souléi, just qu'al sie dich ent'i coundisioun que chal!
Dich acò, pasen subit a repourtà i cantilene e priere qu'aven cuhì ent'i noste Valade:

-Soulelh soulelhet
-Nebio baso levetè
-San souléi fazé 'squiarzé
-Nebio basso aousë-té
-Na vieiasso sënso dënt
-Batistin alai ëntla coumbo