Nòvas d’Occitània    Nòvas d'Occitània 2011

invia mail   print document in pdf format Rss channel

Nòvas n° 99 Març 2011

I referendum per l'acqua bene comune

Lhi referendum per l'aiga ben comun

di Sergio Dalmasso

italiano FileNotFoundException while reading 4997.html :: java.io.FileNotFoundException: C:\wwwroot\chambradoc.it\ROOT\applications\webwork\site_chambra\local\document\html\4997.html (Impossibile trovare il file specificato)
occitan Dal premier de genoier 2010 la gestion de l'aiga de París es tornaa a la comuna que a decidat de ren la renovar ai dui gigants Veolia e Suex. Son já mai de quaranta las vilas de França que, consideraas las experienças deludentas embe lhi privats, an fach aquela chausia.
Dedins un recent referendum decò lhi citadins de Berlin an dich no a l'aiga privatizaa. A Berlin la fin de la gestion pública a menat despuei lo 2001 a un aument de las tarifas dal 35%, lo doble de la mesana de la Germània.
Én pòl relevar d'evidentas analogias embe la situacion italiana. Dins nòstre país, coma es documentat da un estudi de la Comission de Vigilança de las Ressorsas Ídricas e lo centre estudi de Federutility, dal 1996 al 2006 la tarifas son creissuas mai dal 60%, dui bòt e metz de l'inflaccion reala.
Qué tant pòle èsser deconvenient per lhi citadins la privatizacion lo san ben aquilhi de Firenze ai quals Publiacqua, una societat per accions en man a la multinacionala Acea, a empausat un aument de las tarifas dal 9,5%. Lo motiu? Una baissa di consums qu'a rendut necessari pagar mai las utenças, daus que la “tarifa deu curbir lhi costs operatius, investiments e remuneracion dal capital”, coma la lei establís.
A Aprilia (Latina) passa 4000 familhas dal 2005 refuson de pagar las boletas a Acqualatina, societat embe lo 46,5% d'accions en man a Veolia, la pus granda multinacionala de l'aiga, e las pagant, per contra, a la comuna. Proteston per un aument dal 300%.
Lo decret Ronchi, aprovat dal parlament ental novembre 2009, empausa l'intrada di privats dedins la gestion di aqüedòcts. Las societats per accions públicas qu'encara gestisson lo servic ídric deurion, d'aicí a la fin dal 2011, céder almenc lo 40% de lors accions a un sòci privat per la gestion.
Dins una data compresa entre lo 15 d'abril e lo 15 de junh lhi citadins serèn chamats a s'exprímer sus doas questions referendàrias que representon un'ocasion fondamentala per gavar l’aiga dal marchat, ensem a autras doas questions que regardon lo nuclear e lo legítim impediment.
Lo provediment dal govèrn Berlusconi a agut lo mérit, dal tot involontari, de generar una reaccion sorprenenta de la societat civila qu'a menat a la recòlta de 1.400.000 firmas, numre jamai rejonch da deguna campanha referendària, malgrat lo silenci di mejans de comunicacion mai conoissuts.
La premiera question se propausa l'abrogacion de l'art. 23 bis de la lei n. 133/2008 (que lo decret Ronchi a masque modificaa) relatiu a la privatizacion di servicis públics locals, comprés aquel ídric.
La seconda question regarda ensita l'art. 154 d'aquel qu'ilh dion lo Còde de l'Ambient dins lhi límits dal còmma que dispausa que la tarifa per lo servici ídric sie determinaa en tenent còmpte de “la justessa de la remuneracion dal capital investit”. S'abrogaria la part de l'article qu'a rendut possible l'absurda situacion de Firenze. En absença de la garancia dal profit dificilament lhi privats serion encara interessats a l'afar.
La campanha referandària mira a obtenir que la gestion di aqüedòcts sie masque e exclusivament pública e partecipaa, o ben sie facha a travèrs d'organismes de drech públic embe la partecipacion di citadins e de las comunitats localas.
A l'estrangier la campanha es seguia embe un baron d'atencion. Coma a contat Ugo Mattei, un di redactors de las questions, dedins lhi Estats Units las questions de Silvio Berlusconi son pro trascuraas, consideraas una sòrta de folclòre. Per contra, lo fach que lhi citadins s'isten activant, dins un país considerat a sovranitat limitaa, per dir no a las multinacionalas, ven considerat un precedent important.
Aüra lo passatge pus difícil da sobrar serè de rejonhe lo quorum. Un objectiu al qual bèla lo Comitato Referendario Cuneese 2 “Sí per l'Acqua Bene Comune” cercharè de donar son contribut, coma es já avengut en ocasion per la reculhia de firmas.
Entre las activitats previstas se senhala la partecipacion lo 26 de març a Roma a la manifestacion nacionala “L'acqua non si vende”.
Lo 10 d'abril a Beinette se passarè “La primavera dell'acqua” que prevei lhi “Percorsi d'aqua”, una chaminada comentaa da lhi expèrts de Terra dei Bagienni a travèrs de luecs de particular interès per lo tèma de l'aiga, una merenda sinòira acompanhaa da un moment informatiu e da música.
Per las activitats es possible consultar www.attac-cuneo.it o contactar lo Comitat a l'adreça glacuneo@lillinet.org (Tel 320 1425545).
Informacions sus la campanha sus www.referendumacqua.it o www.acquabenecomune.org.

Sergio Dalmasso
per lo Comitato Refendario Cuneese 2 “Sì per l'Acqua Bene Comune”


Condividi