Sus Facebook una campanha informativa ideaa da la Chambra d’òc e la Tsambra francoprovensal

Familiarizar abo lo francoprovençal, l’occitan e lo francés gràcias a las tantas propòstas culturalas presentas sal web: vaquí una bòna maniera de transformar dins una bèla oportunitat la domiciliacion forçaa que nos empausa la luta al coronavirus. Da encuei part sus las pàginas Facebook di esportèls linguístics (https://www.facebook.com/groups/lingua.oc.fp.fr/) una campanha informativa ideaa da la Chambra d'oc e la Tsambra francoprovensal e promogua da la Vila metropolitana de Turin, da l’Union Montana d’las Valadas de Lans, Ceronda e Casternon e da las Comunas de la Província Granda Vernant e Ormea, abo lo coordinament de la Region Piemont. Enti post que venon publicats tuchi lhi jorns, se pòlon trobar, en mai que la traduccion d’las informativas oficialas d’las autoritats sal contrast a l’epidemia, de tèxts literaris, de comptinas, de chants e un baron d’autre, revirats enti tres idòmas d’las minoranças linguísticas presentas sus nòstre territòri.

Es decò un’ocasion per envitar lo públic a prene vision dal siti http://www.chambradoc.it e dal richíssim material present dins sas pàginas, entre lo qual ben de contenguts multimedials e l’ensenhament online d’las tres lengas.