Un’idea creativa originala e nòva. Rescontres a Racunís e Sant Damian lo 6 e 9 d’octobre

de Walter Vassallo

L’Associacion Solare Collettivo Onlus de Racconigi dal 2007 empenhaa dins la difusion de una nòva cultura ecològica des energias renovablas e de la tutèla de l’ambient, dins acquesti jorns es partia abo lo siu nòu projèct “Coltivem lo solelh” abo l’azienda agrícola de montanha “Lo Puy” de Sant Damian enVal Maira.

Coltivem lo solelh nais da l’experiença vengua dal projéct “Afilha un kw”, que a portat al financiament d’un empliant fòtovoltaic da 20 kw sus lo cabanon de la Cooperativa Proteo a Mondovì, avengut a travèrs una soscripcion collectiva que a vist la partecipacion de mai de 40 sòcis que arribavon da parts diferentas d’Itàlia.

En partent d’aquesta ideia, Solare Collettivo Onlus a volgut eslarjar aqueste nòu concept d’economia solidala e partecipaa a aziendas agrícolas e agritorismes de nòstre territòri, en creant de grops de ciutadans que financion collectivament la construccion d’emplants fòtovoltaics dins aquestas aziendas e en chambi lhi agricoltors garantisson lo rembors annual dal capital e de l’enterès sot forma de corrispondents produits agrícols e/o servicis agritorístics.

Lo projècte “Coltivem lo solelh” entend donc:

-       promòure la construccion d’emplants fòtovoltaics, donc la difusion d’energias renovablas e la partecipacion directa di ciutadans a la produccions d’energia a travèrs lo financiament collectiu d’aquesti emplants:

-       crear un nòu rapòrt entre lhi ciutadans e lhi agricoltors, consumators e productors, en generant una relacion establa e positiva per l’ambient e las personas, e en valorizant parelh aziendas agrícolas que trabalhon ben.

Lo premier projèct “Coltivem lo solelh” es en via de realizacion abo l’azienda agrícola de montanha “Lo Puy” de Sant Damian. L’azienda bastís, sal cubert da la vòuta (dins lo respecte di valors de l’Associacion venon exsclusivament financiats emplants fòtovoltaics sus edificis já existents e pas sus de terrens) un emplant fòtovoltaic que sodisfa las pròprias exigenças energéticas. Lhi ciutadans sòcis de Solare Collettivo Onlus, financion l’emplant abo quòtas de 300 o 500 euros. Lo capital versat, abo lhi enterès, venarèn renduts en tres o cinq ans sot forma de produits de l’azienda: formatges de chabra a diferenta estajonatura, charn de chabra e chabrit, degustacion/merendas cinòiras, dormir a l’azienda. La relacion entre l’azienda e lo ciutadan financiator ven reglaa da un contract específic que, a partir dal versament fach, estabilís l’enterès sal capital envestit e lo numre de ans necessaris per lo rendre.

Acqueste projèct nos augurem que vene fach decò dins d’autras aziendas e dins autri territòri. Tuchi lhi ciutadans pòlon partecipar coma financiators. Totas las aziendas agrícolas e/o agritorísticas pòlon donar a l’Associacion Solare Collettivo Onlus la disponibilitat per èsser sobjècts beneficiaris dins lhi projècts venents.

Lo premier rescontre de presentacion dal projèct “Coltivem lo solelh Lo Puy” s’es tengut sande 3 de setembre dins l’azienda abo una premiera degustacion e la firma de lhi premiers contracts; son prevists per aüra autri dui rescontres: un a Racunís lo 3 d’octobre a 21 oras dins aquò dal CAI e lo second totjorn a l’azienda Lo Puy diamenja 9 d’octobre a 11 oras.

Per totas enformacions sal projèct “Coltivem lo solelh” e tuchi lhi autres promogut da l’Associacions es possible visitar lo site www.solarecollettivo.it o enviar una mail a coltiviamoilsole@solarecollettivo.it  o telefonar al numre 3772568086