La tersa edisioun de tsant’an tsamin coumbeus de Suiza a scapit de le bruteus previsioun di dzort devan lhe trove ina bèla dzournà de soulouelh ma in bleuc tsaoud è tòf. Nou trouveun a 9.30 tsu la plasa de Fouřé, li chaminaire arivoun a grup è ormai acoutumà tsartsoun li voulantin dle tsansoun da Francesca Bussolotti, dou spourtèl de lèinga 482 de la Provincia de Touiřin. Francesca lhe fournit touit lez-anfourmasioun de la dzournà è lhe done li gadgets aprestà.
Carcun iot tsaminà a tot le edisioun tanqu’ét que le tsansoun soun d’in lou repertoře de la tsansoun tsantà, la pi anouvrà et « li sounalhé de Moumpantia », poie an clasifica la creasioun nueva dou grup folk de Sèin Dzeuře « chin chat n’chuc », è rezistoun li tantis cré di cou da « le fie d’Vindroulere, Ameun p’lou crét di Cou ad Anout è Bà »
Lou tort ou l’et ampenhativ, se tsamine desù li vieleut de lh’orridi è se traverse le riserveus natuřal, area mediteranea d’in le mountanheus. Lou madzistre Gigi Ubaudi ou regole le voue dou coro è devan partre se tsante inò dle pi facil « babina » lou travalh dou madzistre ou l’et pa facil, seun ina stantèina, et ina bèla coural pa facil da coumandé. Ina luèindza fila lhe part an diresioun de Fausemagne per ina duřa salita, arivà devan la tsapela se countinue l’insenhameun dle tsansoun, è se capit subit que seřot pa facil rispeté li tèin, tante dzeun pařie raleunte lou pas è bèiseun d’in la gordza de fausemagne avé gran ritard.
A travé de Pieřa Blèintsa è Loran, se tsante ma lou tof ou ralente la martsa, ariveun aou Molé can deivian èitre a Pavalhoun.. detsideun de mindzé aou Molé è d’acorde avé l’asesou Ambra Canepa que lhe nouz-ateundet a Pavalhoun per li salut se detside de bèise diretameun a Tsanouc per lou vieleut de lh’orridi. Eivreun li zaino devan lou batsas, se tsante, se bale è apré la vizita aou tortz dou Molé se bèise per li vieleut.
Guideus de la dzournà Enzo Chiapusso e Liliana Vair nou portoun tsu vieleut è tsamin dle vinheus seunsa toutsé asfalt a Sèin Dzeuře an perfet ouřaře. An plasa Micellone la carovana Balacaval ansèin lou grup folk de Sèin Dzeuře ateundoun la comitiva avé lou vicesandic Luca Giai tra le caroseus aprestà. La couřal lhe regale ai preseun ina tsansoun nueva, tsantà per lou permie cool, è apré lhe continue avé “chin chat n’chouc” tsantà veiřo de col touit ansèin, apré se tsante tot le tsansoun dou repertoře de tsant’an tsamin.
Tsant’an tsamin et ina formula que lhe founsione, pèina fořa di gran tsamin trouveun ina valada catsà, la comitiva de tsant’an tsamin lhot trouvà de post bél è servadzo a due pas da la civiltà aieun tsantà antounà è diversameun antounà. Carovana Balacaval lhe sare lou tort an Val Souiza avé la dzournà de tsant’an tsamin.
Gran sutsès, spetacoul nuva è bien anteřesan, gran muzican, atou e cartounie tsu li drèt tsamin de valsouiza; bèin atsetà l’adzut dou tratou de la quemouna de Matie. Tsant’an tsamin e carovana Balacaval ian agrega le dzeun anouvran la lèinga è anouvranla aou pas di tèin. Atrouplan queme in col se rèizone asé anouvran tot seun que lou progres ou nou done avé counhisioun.
Disando 2 dzunh la comounità de Sèin dzeuře lhot ouspità tsant’an tsamin è lhot tsantà ansèin, la cort de carovana balacaval et in post per ité ansèin. Lou prodzèt de li spourtel de lèinga itineřan ou l’ét bèin anteřesan Vayeus, Vilar, Mounpantia, Matie è Sèin Dzeuře ian ouspità la carovana è li spourtél an manieřa esemplař. La lèinga francoprovensal lhe eziste è lhe coumanse a sortre da li localismo per èitre anouvrà, tsantà, parlà da ina coumunità pi lardza ma que lhot li mèimo valou.
commenta