Apres qu'an fach las chentrals a Peirapùerc i es sta l'aluvioun qu' à pourtà tantou trabai e la vita de las persoùnas à chambià da parìer a parìer, da la nùech al journ. Dran i era ren de sòou e  lou mounde anàvoun far i pastre en Fransa. Parìer lou mounde a tacà a restruturar les meizouns: lou mounde a tacà a gavar la paia dai cubert e a li refar. Lou coumun te dounava les vint, trenta piàntas de merze ou de sap que te servìan e aven tacà a butar les lamieras.

 

   En viage, al boun de la stajoun dal fén, t'aousàves a tres ou catr'oùras a anar séar. Avìes sempre duèi dai: aloura, me un tacaves a séar, fin que taiava ben, fin a set oùras ou set e meja; apres lou gavàves e butaves l'aoutre. A vuech e meja avies ja vùeia de manjar, ma i era encaren lou sulei e tiràves encà aquel paou. Apres manjàves e 'me l'aoutre dai tiràves fin a ounge e meja. Véos ben que per tenir catre ou sinc vàchas charìa coure, perqué aloura lou mounde era parìer.