Mi ja dran de far lou saoudà voulìou anar en Fransa, ma siou sempre restà aquì.

Apres, lou vintanòou dezembre dal sincantatrès, ma manha anava òoutra e ai dì: venou decò mi a pasar carqui joùrnes. Lhi era moun fraire Batista, lhi era ma soùore Marguerita, lhi era lou barba Miquel, lhi era la couzìna Adelina e ai dì pasou quinge ou vint joùrnes e retournou. Coura siou està eilai, a la fin de jenouìer, Batista me fai: voùos retournar en Italia ou réstes eisi? Ai pensà en paou e me siou dì: se retournou en Italia siou da servitour d'en cant e de l'aoutre, provou a restar eisì.

 

   Mi dal Sambuc me siou jamai languì. Siou sempre vengu, scazi tuchi lhi ans per San Julian, ma m'à mai dì tan. Mancou coura erou partì da saoudà lhi era de joùves che piòouravoun, fazìan de tout; mi lou premier viage que m'an mandà a meizoun, es està lou capitani. Lhi era nhente de particoular que me piaìa ren d'eisì, ma lhi era decò pa trop de trabai.