A star en mountanha sicurament sìes pe tranquil, suértes, vìres, crìes, se te voùos virar a chàmbous en airi, te vìres a chàmbous en airi, aou Bourc poùos ren. Eisì suértes, se voùos te setar aquì se i escalin te sétes, se ìstes din en pais pe gros couma fas, poùos pa stravacharte couma voùos. Eisì sìes pe libre, sìes pe desgenà.

 

N'es ren que vìves en mountanha e vives izoulà, vìves en mountanha ma sìes sempre coulegà a la vita de sità, per acò vas anant 'me i temp; ma n'es ren que la vita de sità ven eisì, es aoutoumàtic que se voùos vioure poùos pa mac vioure din en tech.

 

Eira se i fouguésa ren la televizìan sarìa en proublema perquè en viage te trubàves a veiar al tech.

 

Mi a la Michelin siou mac està temp de me mariar perqué aloura se trabaiàves ren en fabrica te mariàvoun ren. Mi me piaìa far l'aoutista ma l'aoutista les frémous voùoloun ren saoupre.

 

Qui ista lens à mai de temp, aquel que n'à de mai à tres oùras: i aoutri an n'oura e meja mai de temp de journ, de soùon e d'apresdiznar. Viajar pouòrta via tan de temp.

 

Qui resta lens es abituà a aver tout e i seméia tout pe fàchil, an tout sùbit. Nouzàoutre sian mai tranquil; qui viou al mech de Couni mi saou ren couma fai, i à sempre de luche decò de nùech.