Mi siou n'erede de n'emigrasìan, n'emigrasìan qu'es està vioulentissima.

N'es ren està n'emigrasìan en carca manìera piloutà, defìnìa couma en percours pousìbil, magara doulourous: en realtà, i à agù deguna coumpatibilità, es està n'agresìan e na dezertificasìan dal teritori.

 

   Scazi tuche i viage que venou al pais ai eri mutivou de m'enrabiar, d'aver en moument de agitasìoun e de mancansa de tranquilità enteriour. En pais te buta sempre en crizi. Coura vas dedin na sità es ja na situasìan coumpletament diversa, ma coura introu al Sambuc se i à na peira qu'es mal butà,. en toumbin qu'es fouòra post ou na lampadina que se visca ren ai en crep de nervouzisme, perqué aven na sensibilità diversa respet an aquel que pasa a Turin al mech dei cantìer.

 

   Pouòi ese outimista, ma saou que la mountanha pouol ese abandounà, pouol ese tempouraneament dezmentià, ma es sempre na fouòrsa d'atrasìan couma ne calamita e à sempre na pousibilità de reprene en chiclou. Siou outimista, ma 'mou prudensa, perquè lougicament la muntanha, que à en riquiam de natura sourtoù spiritoual, es esposta a de gròses risques. Din na souchetà que vouol parricoularment se far veire, que vouol sourtoù se butar en vista, que vouol aver tàntas càouzas ma que douna gaire de post a lonque sìes, evidentement coura la fouòrsa atrativa nàis dal vouler ese sìes minouransa, sìes izoulà, sìes coumpletament en dificoultà.