Coura se sian fach aquest aloch eisì aven sùbit agù n'estansia aprun, dran durmarian tuche din la stesa stansia. N'avian ren de banh, n'avian ren de sala - que sarìa encà stà lou menou, perqué t'aranjàves -, ma lou banh era na caouza utila e les estànsias divìzas me semeia decò. Les meinas les ai pei sempre lavà aquì sal taoul entè na basina.

 

   Mi lou prim an que siou anà en Fransa avìou seg'ans. An aquela età capìses ja tantas càouzas, ma m'avìa ren fach tan. Ma coura me nen siou revengù ai dubert lou servel e me siou dì: eilài 'mou ma meirina trabaiavou la campanha e tuche i matin a genuìer, febrìer, pourtàvoun les salàtas al merchà e avian catre soou, daloùro que eisì tu al mes de genuìer, febrìer, que fas? Duéi an apres siou turna anà enlai. Mi, se n'era ren que moun paire e ma maire éroun soulétes, nen sarìou pus retournà, ma ren per d'aoutre, mac per trabaiar, perqué veìes que trabaiàves, ma almenou avìes carcaren.

 

   Lens an tout ma n'an nhente. An tout perqué suèrtoun de meizoun e tròboun i negosi, lou chinema, les coumudità. Eisì couma coumoudità n'aven nhente, ma secount mi aven na vita pu bela a counfroùont an aquela de lens: sies pe dezgenà, pe tranquil, ma forse es perqué siou sempre sta abituà parìer.