Còire las brinhas e entrementier empastar farina embe uous, aiga e ueli. Espartir la pasta en quatre e, abo lo lasanhaor, far de reonds gròs coma un platèl. Dui siervon per far lo fons e lo curbecèl e van mai espés. Prene un reond mai espés e l’assolar sal fons dal platèl. Cuérber abo las brinhas cuechas, dessus espantear lo sucre, puei assolar n’autre reond de pasta d’aqueli mai prims e continuar com’aquò: un sòl de brinhas e un de pasta. D’en darrier cubercelar abo un reond d’aqueli mai espés e possar aiçai ailai lo dessús, abo lo det gròs, que s’arsete; puei penelar de lach e ueli esbatuts e còire esquasi un’oreta dins lo forn meitat chaud.

Es necessari: 6 ectos de farina, 2 uous, 1 veire d’aiga 3 culhiers d’ueli, 1 quilo de brinhas sensa garilh, 1 ecto de sucre.