|
Asalais a achatat un bèl libre a la Fiera dal 10 d'Acelh. Al parla de l'Occitània entiera e ilhe semelha, mai que tot, tochaa da l'estòria religiosa d'aqueste territòri. Qui l'auria mai dich? Ental passat, decò en Occitània, lhi a agut un baron de batalhas e de guèrras per de questions religiosas! Lesent d'aicí e d'ailai, ilh arriba al capítol sus lhi càtars.
As.: "Dins aquesta pàgina se ditz que, vèrs lo 1200, lo rei de França a fach na vera crosaa contra lhi Occitans abo l'escusa de la presença di càtars. Mas aquò a l'escòla degun nos o a jamai dich!"
Asalais continua abo passion la lectura.
As.: "Aicí parla di protestants dins las Cevenas! Nimenc dins nòstras valadas son mancaas las guèrras de religion. Lhi valdés en val Cluson, val Germanasca, val Pèlis e fins en la val Pò. Lhi calvinistas en val Varacha e lhi uganauds en val Maira. Mas sas-tu ren? Dins ma valada na bòna part de la gent era protestanta, sobretot a Draonier e Acelh? Coma vai qu’aüra lhi n'a pus degun?"
Asalais pensa an aquilhi paures qu'an patit de brutas batòstas: lhi an fichats en galèra o lhi an fachs escapar o lhi an convertits a fòrça al catolicisme. Lhi solets qu'an fach dura resistença e son restats, son lhi valdés.
As.: "Un jorn o l'autre chal qu'ane dins las valadas dal Nòrd a conóisser mielh l'estòria valdesa. Siem pas tròp luenh e en mai d’aquò parlem la mesma lenga".
|
Asalais a achatat un bèl libre a la Fiera dal 10 d'Acelh. Al parla de l'Occitània entiera e ilhe semelha, mai que tot, tochaa da l'estòria religiosa d'aqueste territòri. Qui l'auria mai dich? Ental passat, decò en Occitània, lhi a agut un baron de batalhas e de guèrras per de questions religiosas! Lesent d'aicí e d'ailai, ilh arriba al capítol sus lhi càtars.
As.: "Dins aquesta pàgina se ditz que, vèrs lo 1200, lo rei de França a fach na vera crosaa contra lhi Occitans abo l'escusa de la presença di càtars. Mas aquò a l'escòla degun nos o a jamai dich!"
Asalais continua abo passion la lectura.
As.: "Aicí parla di protestants dins las Cevenas! Nimenc dins nòstras valadas son mancaas las guèrras de religion. Lhi valdés en val Cluson, val Germanasca, val Pèlis e fins en la val Pò. Lhi calvinistas en val Varacha e lhi uganauds en val Maira. Mas sas-tu ren? Dins ma valada na bòna part de la gent era protestanta, sobretot a Draonier e Acelh? Coma vai qu’aüra lhi n'a pus degun?"
Asalais pensa an aquilhi paures qu'an patit de brutas batòstas: lhi an fichats en galèra o lhi an fachs escapar o lhi an convertits a fòrça al catolicisme. Lhi solets qu'an fach dura resistença e son restats, son lhi valdés.
As.: "Un jorn o l'autre chal qu'ane dins las valadas dal Nòrd a conóisser mielh l'estòria valdesa. Siem pas tròp luenh e en mai d’aquò parlem la mesma lenga".
