100 Paraulas dal Tresòr    Parole

invia mail   

Trabalhar

Trabalhar

di Jean Michel Effantin

Trabalhar
italiano L'occitano cisalpino trabalhar a la stessa origine del francese travailler e del piemontese travajé, il verbo latino *tripaliare « torturare ». Questo è formato sul nome dello strumento che legava il condannato : tre pali. Il verbo ha preso il senso di « sentire una pena, una fatica » prima di rimpiazzare in occitano, come nelle lingue vicine, i derivati dei verbi latini laborare o operare per significare « essere attivo per arrivare a un risultato, per guadagnare denaro ».

La forma generale dell'occitano moderno è trabalhar. In occitano la p intervocalica etimologica del latino è comunemente diventata b : il latino rapa « rapa » ha dato raba, come apicula « ape » ha dato abelha. L'italiano ha mantenuto la consonante latina (rapa, ape), quando in piemontese (rava, avija) come in francese (rave) l'indebolimento della p etimologica è andato più avanti, fino a v.
Però le parole circolano tra le lingue, ad esempio la forma abeille « ape » copiata sull'occitano ha respinto l'antico francese avette. In una parte delle valli le forme comuni in b di alcune parole sono sparite : la parola saba « linfa » è rimpiazzata per la sava dall'Alta Valle Susa alla Val Pellice (Bobbio, Salbertrand : [sava]), abelha per avelha nelle parlate di bassa valle (Paesana : [avëia], Luserna San Giovanni : [aveia]) o cubèrt « tetto » per cuvèrt.
Per travalhar anche le alte valli hanno adottato la forma in v (Blins, Elva), e trabalhar si mantiene solo in alcune rare parlate (Pontebernardo : [trabaiar]).

La pronuncia di travalhar, trabalhar cambia secondo la realizzazione di lh ([lh] o [i]) e la terminazione dell'infinito dei verbi del primo gruppo.
Dall'Alta Valle Susa alla Val Po la pronuncia [lh] tipica dell'occitano si mantiene : [travalhà] a Ostana, [travalhâ] in Val Germanasca, ma [travaià] a Sampeyre.
L'occitano cisalpino ha generalmente conservato nella pronuncia la –r dell'infinito al sud della Val Varaita e molto localmente nell'alta Val Chisone : [trabaiar, travaiar] si trova in alta Val Varaita (Bellino [travaiar]), in Val Maira (Elva [travaiar]), in media e alta Valle Stura (a Demonte e a monte), in Val Grana (Castelmagno, Pradleves), in Val Gesso, e a Limone in Val Vermenagna. A Usseaux e a Roure (Faetto) la finale dell'infinito è [–or] per i verbi del primo gruppo.
Nelle altre valli la -r dell'infinito non viene pronunciata però ha spesso allungato la vocale finale a : [travalhâ] (Val Germanasca), [travaiâ] (Vernante). La –r si mantiene tuttavia localmente in certi contesti : far-o [farou] « farlo » a Perosa, San Germano. Nelle parlate che non conservano la –r finale l'allungamento serve a opporre infinito e participio passato maschile : travalhar [travalhâ] e travalhat [travalhà]. In altre parlate il tratto distintivo è il timbro della vocale : a Ostana travalhar [travalhà] e travalhat [travalhò].
In media Val Varaita (borgate di Melle e di Frassino) e in alcune parlate delle basse valli centrali e meridionali (in Val Po a valle di Sanfront, Valgrana), la finale dell'infinito è [ê] : a travalhar corrisponde una pronuncia [travaiê]. In alta Val Chisone la finale è [ô] : a Pragelato [travalhô]. Queste modifiche del timbro della terminazione dell'infinito sono legate all'allungamento di a provocato dalla caduta di –r finale, la prima non è delle stessa natura di quella che ha portato in piemontese la finale dell'infinito a [e].

Trabalhar qualcosa è « cambiare la forma per arrivare a un risultato » : trabalhar lo bòsc « lavorare il legno », un champ travalhat « un campo lavorato » (Rochemolles [in shan tŗavalhà].
Trabalhar, usato in modo intransitivo, significa « compiere un'azione per produrre o trasformare, specialmente per guadagnare denaro; studiare ».
Il trabalh « lavoro » è l'azione di lavorare, in particolare nel senso di « attività professionale », e anche il suo risultato, il prodotto finale. A Rochemolles il plurale di travalh [travà] è travaus [travaou].

Nel senso di « azioni che uno deve portare a conclusione, ma che non sono necessariamente in rapporto con suo mestiere » l'occitano utilizza anche la parola òbra. Come il verbo obrar « lavorare » (Val Germanasca [oubrâ]), è poco usata salvo per delle espressioni come: èsser entrin a son òbra [èse ëntrin a soun obbro] « essere all'opera, al proprio compito » (Val Germanasca), un jorn enobrant [jour noubront] (Bellino) « giorno feriale », aguer d'òbra a far [agué d'obŗ a fâ] « avere del lavoro da svolgere » (Rochemolles), se betar a l'òbra (Bellino) « mettersi al lavoro ». A Rochemolles " aguer pro d'òbra a far qualquaren " significa « avere difficoltà a ». A Salbertrand si fa la differenza tra una bèla òbra « un'attività interessante » e un bèl trabalh « una bella realizzazione, un bel oggetto ».

Un trabalhaor (Val Germanasca : travalhaor [travalhoou]) « lavoratore » è la persona attiva per la realizzazione di un lavoro, e anche un qualificativo usato per qualcuno al quale piace lavorare.
Uno che lavora male " trabalha aub lhi pès " [oub lî pè] (Val Germanasca), o abo los pès [bou lou pê] (Salbertrand), e fa un travalh de las jalinas [travalh dla jařinna] « lavoro da galline » (Salbertrand), un travalh assassinat , un travalh fach a la diaola « lavoro fatto alla diavola » (Bellino)
Girare in casa senza fare il proprio lavoro è tavanear (Rochemolles), lavorare senza impegnarsi è dardolhar [dardoulhâ] (Salbertrand).
Un lavoro per guadagnare denaro è un ganha pan « guadagna pane » (Salbertrand).

I proverbi danno delle regole per evitare di procrastinare, di remandar a deman ce que la se pòl far encuei [armandâ a dman s'qu'la s' po fâ ênqueùu] « rimandare a domani ciò che si può fare oggi » (Salbertrand) : " Travalh encomençat es metz fach " [travai encoumenssà es mes fach] (Bellino) « Lavoro incominciato è fatto a metà » e " Travalh fait fai pas pus paor " [travalh fait fai papì pòou] « Un lavoro fatto non fa più paura » (Val Germanasca).
E ancora : " Qui vòl un travalh mal fach, qu'al lo pague derant qu'al sie fach " [Qui vol en travai mal fach qu'ei lou pague dron qu'ei sié fach] « Chi vuole un lavoro fatto male ha solo da pagarlo prima che venga fatto », " L'es en travalhant qu'un empara " « È lavorando che si impara » (Val Germanasca)
Si dice che la ricchezza non è sempre il frutto del lavoro : " Lo travalh engraissa pas " [Lou travai engraisso pa] « Il lavoro non ingrassa » (Bellino), " Qui travalha malha la palha, qui fai rien malha lo fen " « Chi lavora mangia la paglia, chi non fa niente mangia il fieno » (Val Germanasca) o " Qui travalha manja la palha, qui fai pas ren manja lo fen " [qui travaio monjo la paio, qui fai paren monjo lou fen] (Bellino).
Ma che bisogna essere attento perché: " Qui travalha pas da polhen chal qu'al travalhe da ròssa " [qui travaio pa da pouien chal qu'ei travaie da rosso] « Chi non lavora da giovane, bisogna che lavori da vecchio » (Bellino)

Gli antichi testi valdesi presentano la forma obrar : " [Si alcun non vol obrar non mange] " « chi non vuol lavorare neppure mangi » (2 Tess. III-10, secondo la versione della Bibbia di Carpentras).
Lavor, presente nella stessa fonte nel senso di « lavoro » , appartiene alla famiglia del latino laborare « lavorare » che continua in occitano cisalpino con lavorar nel senso specifico di « lavorare un campo, voltando la sua terra con l'aratro antico o moderno, arare ».
occitan L'occitan cisalpin trabalhar a la mesma origina que lo francés travailler e lo piemontés travajé, lo vèrbe latin  *tripaliare « torturar ». Aquest es format sus lo nom de l'instrument que liava lo condamnat : tres pals. Lo vèrbe a pres lo sens de « sentir una pena, una fatiga » derant de se substituir en occitan, coma dins las lengas vesinas, ai derivats di vèrbes latins laborare o operare per signifiar « èsser actiu per arribar a un resultat, per ganhar d'argent ».

    La forma generala de l'occitan modèrne es trabalhar. En occitan la p intervocalica etimologica dal latin es comunament devengua b : lo latin rapa a donat raba, coma apicula a donat abelha. L'italian a mantengut la consonanta latina (rapa, ape), quand en piemontés (rava, avija) coma en francés (rave) l'afebliment de la p etimologica es anat pus luenh, fins a v.
    Mas las paraulas circulon entre las lengas, per exemple la forma abeille copiaa sus l'occitan a chaçat l'antic francés avette. Dins una partia de las valadas las formas comunas en b de cèrt'unas paraulas an dispareissut : la paraula saba es remplaçaa per la sava da la Val d'Ols a la Val Pelis (Buebi, Salbertrand : [sava]), abelha per avelha dins de parlars de bassa valada (Paisana : [avëia], Lusèrna Sant Jan : [aveia]) o cubèrt per cuvèrt.
    Per travalhar mesme las autas Valadas an adoptat la forma en v (Blins, Elva), e trabalhar  se manten pus qu'en qualqui ben rares parlars (Pontbernard : [trabaiar]).

    La prononciacion de travalhar, trabalhar chambia segon la realizacion de lh ([lh] o [i]) e la terminason de l'infinitiu di vèrbes dal premier grop.
    De la Val  d'Ols a la Val Pò la prononciacion [lh] tipica de l'occitan se manten : [travalhà] a Ostana, [travalhâ] en Val Sant Martin, mas [travaià] a Sant Peire.
    L'occitan cisalpin a en general conservat dins la prononciacion la -r de l'infinitiu al sud de Val Varacha e ben localament dins l'auta Val Cluson : [trabaiar, travaiar] se tròva en auta Val Varacha (Blins [travaiar]), en Val Maira (Elva [travaiar]), en mesana e auta Val d'Estura (a Demont e en amont), en Val Grana (Chastelmanh, Pradlievi), en Val Ges, e a Limon en Val Vermenanha. A Usseaus e a Roure (Faet) la finala de l'infinitiu es [-or] per lhi vèrbes dal premier grop.
    Dins las autras valadas la -r  de l'infinitiu es pas prononciaa mas ilh a sovent alonjat la vocala finala a : [travalhâ] (Val Sant Martin), [travaiâ] (Lo Vernant). La  -r  se manten totun localament dins cèrts contèxts : far-o [farou] « lo far » a Perosa, Sant German. Dins aquisti parlars que conservon pas la -r  finala l'alonjament sierve a opausar infinitiu e participi passat masculin : travalhar [travalhâ] e travalhat [travalhà]. Dins d'autri parlars lo trach distinctiu es lo timbre de la vocala : a Ostana travalhar [travalhà] e travalhat [travalhò].  
    En mesana Val Varacha (ruaas dal Mèl e de Fraisse) e dins de parlars de las bassas valadas centralas e meridionalas (dins la Val Po en aval de Sant Front, Valgrana), la finala de l'infinitiu es [ê] : a travalhar  correspond una prononciacion [travaiê]. En auta Val Cluson la finala es [ô] : a Prajalats [travalhô]. Aquestas modificacions dal timbre de la terminason de l'infinitiu son liaas a l'alonjament de a provocat per la chaüta de -r  finala, la premiera es pas de mesma natura qu'aquela qu'a portat en piemontés la finala de l'infinitiu a [e].

    Trabalhar  qualquaren l'es « chambiar la forma per arribar a un resultat » : trabalhar lo bòsc, un champ travalhat  (Ròchasmolas [in shan tŗavalhà].
    Trabalhar, empleat de maniera intransitiva, significa « acomplir un accion per produire o transformar, especialament per ganhar d'argent, estudiar ».
    Lo trabalh l'es l'accion de trabalhar, en particular dins lo sens de «activitat professionala», e decò son resultat, lo produch final. A Ròchasmolas lo plural de travalh [travà] es travaus [travaou].

    Dins lo sens d' « accions qu'un dèu menar a tèrme, mas que son pas necessariament en rapòrt abo son mestier », l'occitan emplea decò la paraula òbra.  Coma lo vèrbe obrar  « trabalhar » (Val Sant Martin [oubrâ]), ilh es pauc utilizaa en defòra d'expressions coma : èsser entrin a son òbra [èse ëntrin a soun obbro] (Val Sant Martin), un jorn enobrant [jour noubront] (Blins) « jorn de trabalh », aguer d'òbra a far [agué d'obr a fâ]  (Ròchasmolas), se betar a l'òbra (Blins). A Ròchamolas " aguer pro d'òbra a far qualquaren " significa « aver de dificultats a lo far ». A Salbertrand la se fai la diferéncia entre una bèla òbra  « una activitat interessanta » e un bèl trabalh « una bèla realizacion, un bèl objècte ».

    Un trabalhaor (Val Sant Martin : travalhaor [travalhoou]) es la persona activa per la realizacion d'un trabalh, e decò un qualificatiu enobrat per qualqu'un que lhi agrada de trabalhar.
    Qualqu'un que trabalha mal "trabalha aub lhi pès " [oub lî pè] (Val Sant Martin), o abo los pès [bou lou pê] (Salbertrand), e al fai un travalh de las jalinas [travalh dla jařinna] (Salbertrand), un travalh assassinat , un travalh fach a la diaola (Blins)
    Virar dins la maison sensa far son òbra l'es tavanear (Ròchasmolas), trabalhar sensa s'engatjar l'es dardolhar [dardoulhâ] (Salbertarnd).
    Un trabalh per ganhar d'argent es un ganha pan (Salbertrand).
    
    Lhi provèrbis donon de règlas per evitar de procrastinar, de remandar a deman ce que la se pòl far encuei  [armandâ a dman s'qu'la s' po fâ ênqueùu] (Salbertrand) : " Travalh encomençat es metz fach " [travai encoumenssà es mes fach] (Blins) e " Travalh fait fai pas pus paor " [travalh fait fai papì pòou] (Val Sant Martin).
    E encara : " Qui vòl un travalh mal fach, qu'al lo pague derant qu'al sie fach " [Qui vol en travai mal fach qu'ei lou pague dron qu'ei sié fach], " L'es en travalhant qu'un empara " (Val Sant Martin)
    Ilh dion que la richessa es pas totjorn lo fruch dal trabalh :  " Lo travalh engraissa pas " [Lou travai engraisso pa] (Blins), " Qui travalha malha la palha, qui fai rien malha lo fen " (Val Sant Martin) o " Qui travalha manja la palha, qui fai pas ren manja lo fen " [qui travaio monjo la paio, qui fai paren monjo lou fen] (Blins).
    Mas que chal far atencion, perqué : " Qui travalha pas da polhen chal qu'al travalhe da ròssa " [qui travaio pa da pouien chal qu'ei travaie da rosso] (Blins)

    Lhi ancians tèxts valdés presenton la forma obrar : " [Si alcun non vol obrar non mange] " (2 Tess. III-10, segond la version de la Bibla de Carpentràs).
    Lavor , present dins la mesma fònt dins lo sens de « trabalh » , aparten a la familha dal latin laborare  « trabalhar » qu'es continuat en occitan cisalpin per lavorar dins lo sens especific de « trabalhar un champ, en revirant sa terra abo l'araire o la celoira ».
 



Travalhar - Mi parlètz pas de trabalhar.mp3 Mi parlètz pas de trabalhar / Non ditemi di lavorare

"Mi parlètz pas de trabalhar (Manu Théron)

Mi parlètz pas de trabalhar tostemps ganhar sa vida
Que vesi que sensa trimar la vida es mai polida
Si levar d'ora e trabalhar tota la jornada
Susar plen d'aiga e de sang fins qu'a la retirada
Faire de pichons que vesem sonqu'a la dimenchada
Pagar de crèdits e manjar soncament d'ensaladas

Mi parlètz pas de trabalhar tostemps ganhar sa vida
Que vesi que sensa trimar la vida es mai polida
Sonca ganhi au lòto cromparai la Ferrari
Una Jagoar se tòqui lo complementàri
La farai mostrar en toei lei colègas dau barri

Me de bombassas dedins tot plen de tafanàri
Pas besonh de trimar aurèm lei pòchas farcidas
Pus degun per dire que la vida es pas polida
Mi cromparai un ostau per metre la familha
Cromparai un batèu per m'en anar de Marsilha
Cromparai un avion farai lo torn dau monde
E farèm de grands festins per que lo vin abonde ...
"
/
Non ditemi di lavorare, sempre guadagnarsi la vita
Vedo que senza faticare la vita è più bella
Alzarsi presto e lavorare tutta la giornata
Sudare acqua e sangue fino al pensionamento
Fare dei bambini che vediamo solo alla domenica
Pagare i debiti e mangiare solo insalata

Non ditemi di lavorare, sempre guadagnarsi la vita
Vedo que senza faticare la vita è più bella
Appena vinco al lotto comprerò la Ferrari
Una Jaguar se prendo il complementare
La farò provare a tutti gli amici del quartiere

Con belle ragazze sopra, piene di bei culi
Senza bisogno di faticare avremo le tasche piene
Nessuno potrà dire che la vita non è bella
Mi comprerò una casa per mettere la famiglia
Comprerò una barca per andarmene da Marsiglia
Comprerò un aereo per fare il giro del mondo
Faremo delle grandi feste con abbondante vino ...
false - false[indietro]

commenta







 Desidero ricevere una mail in caso di risposta al mio commento

  
commenta