Ài propi damanca d'aisar na draia proufounda,

de gandir a tuchi coust coultura e tradisioun.

Gardar, salvar, tramandar l'es la mia pasioun!

Toutes cozes per ioù àn na storia,

onhi toc de bosc travaià ou de fere batù, m'apasiouna.

Nen sempre sai dir d'entoun al es vengù,

ma sai propi ben que dal coeur di nosti reire al es nisù,

prima cara que das lour man labouriouzes,

abitouàs a ranjase en toutes es nechesità.

Me smea scaize de veire i nostri reire

a dounar fourma e vita a'n touquet de bosc.

I veou mentre prounten n'utis

e i buten dedin esperienses vivùes,

en coeur engenhous que bat sempre pu fort,

de timides bouches que se dùrben

per countar esperienses e arcord.

Oh pichot utis de bosc!

ioù te touchou bou respet e devousioun.

Bou delicatesa fretou la toua pel

que ià counisù lou soulei e la pùia,

e la chalour des man groutoulùes

que t'àn strenhù.

Ioù te careséou adazi, ài pòou de fate dal mal.

La toua pel antica, qui me counta esperienses de vita,

ioù vi propi nen stremar.

Me piai que se vese da fora la toua storia,

a prova de l'onque i nostri vìei soubìen far,

bou fatiga e pasiensa, ma sensa rencoure la gloria.

Te segùrou bou tanta afesioun!

Sis per ioù na lesioun de vita, d'engenh, d'ounestà.

Tu me das n'ourdin presious, scaize en coumandament:

"tramandar ... per nen desmentiar!"

A rcord e emousioun me soupaten dedin!

Es laisou vibrar.

Les l'energia d'la mia ezistensa,

la saba que da nutriment as mies reis

penetras bou ensistensa

ent'la vena d'la rocha gourenha,

la mia rocha...per sempre.

Amoùn ioù vaou beoure,

d'amoùn i m'aruba onhi journ l'aiga fresca

qu'i da vigour a la mia ezistensa.

Gandir, aranjar, tramandar,

far rivioure bou amour e pasiensa,

aquesta l'es la mia voucasioun!

E parei la mia vita agità

i à troubà la soua realizasioun:

en sousquiam proufound d'eternità.