Mousù lou Diretour,
doourìou, coum la coustummo, e doou qu'ën lour articcle i m'an d'cò voulgù ëntërësâ, tournâ pilhâ la plummo për reipoundre ai dui drie (li fransê Pessamessa e Martel) quë soun ëntërvëngù sû Votre journâl a propò 'd la grafìo. E ou fërìou voulountìe, s' la fouse pâ qu' la lei à dui ma: lou prim, l'ê quë sërìou cougì .d'ërpettre soc ai jo dit, creiou claramënt, pi d'uno vê sû di critere pu' la Coumësioun (pâ mi: vourìou quë qui përfero discuttre la gënt, noun-pa discuttre lâ razoun, ou tënguese përzënt!) à suivì për përparâ soun sistemme d'eicrituro: e la sërìo perdre moun tëmp e lou fa perdre a lh'aoutri; l'aoutre, l'ê qu'ëntërio - për dreisà dëvîs malfourjà, së pa deizounest, quë soun ità sëmoout e quë vourin pasâ për ese dë councluzioun dë soc oourìou eicrît (e qu'ai zhamé dret pënsà) - quë më butese a cicanâ sû quëtti feulh coum qui à masì vin: ma la 'm di pâ e, ën pi, ai counfianso ën l'ëntëligënso 'd Votri abounà.
E peui, coum Diou vôl ënt eiquëtto storio lei ai pâ përdù moun aze e pënsou d'aguê jo fait e eicrît, coum portovoûs 'd da Coumësioun, pi 'd soc ëntavo; ecreiou qu' la sërìo ouraso quë lh'aoutri mëmbre (v. Lou Soulestralh dë l'8 d'oout '73) së pilhesën ëdcò un poc lour la charjo, e qu' lî pouete e lî rëspounsabble dî journâl qu' an adoutà notro eicrituro quitesën dë juà a laz eicoundallha e dizesën ëdcò la lour: jo sampre, quëlli, s' la lei n'à, qu'an veulho 'd pourtâ d'aigo a quëtto discusioun, doou qu'il à papì grô a vê ooub l'apel 'd la Coumësioun; përqué, la s'ero 'dmandà la coulabourasioun 'd nostro gënt për beicâ vê dë coumplëtâ e, së pousibble, dë mëlhourâ lou sistemme prouvizori aprountà, e d'ën Franso î nouz ëdmandën ënvecce 'd lou laisâ perdre e 'd noû sërvî 'd lour grafico «nourmalizà», qu'ê toutafet un'aoutro cozo, quëseveullho qu'un pënse 'd sa valour.
Basto, a chacun dë sërnî lâ fava blancha d'oou la niera e 'd se tënî quëlla qu'â crei, sâ crei. Ma l'ê gran tëmp qu la 's serne.
Vous ërmërsìou 'd me aguê fait un poc ëd plaso e Voû saluttou.

Arturo Gënre

Come i lettori avranno notato, la lettera di A. G. contiene una proposta di modifica della grafia, nell'uso di c, per ch attuale, davanti a i, e (il che darebbe una maggiore coerenza al sistema, con ci, ce, e cha, cho, ecc., accanto a gi, ge e ja, jo, ecc.).
Queste novità erano già presenti nell'ultimo numero di «La Valaddo».
G. Boschero.