Pas tuchis mas de tuchis. Parelh se pòl dire,'bo does paròles, de lo Concors de poesia e pròsa que s'es tengut a Rore en val Cluson lo 14 de julhet. La partecipacion en efet es pas 'staa particolarment numbrosa, mas totun an mandat sies òbres poetas e escrivans de squasi totes nòstres valades e decò d'Auvernha a soslinhar que lenga e cultura son mesmes. I premis a i òbres presentaas, totes d'un nivel, coma a dich la juria, pron aut, son 'staas partajaas coma aquò:
Per la poesia; 1. Peire Bounaud (Auvernha); 2. Dzacoulin Burtela (Val Vermenanha); 3. Lucia Abello (Val Maira); 4. Fredina Richard (Val Varacha).
Per la pròsa : 1. ex aequo Franco Bronzat (Val Cluson) e Tavo Cosio (Val Varacha); 2. Ugo Piton (Val Cluson); 3. Osvaldo Peyran (Val S.Martin); 4. Serile Sandre Gay (Val Cluson).
La journàa de festa ilh es fenia, apres la premiacion di compansacions e sa letura, abo una enteressanta descusion entre i partecipants e, lo sendi de Rore, Ettore Merlo, a prepausat per un autre an de far conoisser a mai de gent lo Concors, unic entierament dediat a la Lenga d'Oc en totes i valades occitanes dal Piemont.