Laisou a na-quiei que gouvernoun l'ambisioun
Ent' i prossime elecioun
Di cumune - de venir
Counseir, assessour, prim çittadin
L'avvertenço de pa dir
Pan al pan e vin al vin.
Ai miei amis que soun beviaire
Vuei laisar en counsei da fraire
Coumo en bram que m'argalo
Encaro: defendé puro la libertà
De çercar la verità
Sal foun de na boutalo.
Ai poueto de la nuech bruno
Vuei dounar en gross fardel:
De parlà sempre abou i fiour aboù la luno
Ed aussar na man al ciel
Per trassar de grangùie aute aute
Que groupen i mount un abou l'aute.
A la gent de ma mountagno
Vourriou laisar n'umino de counfianço
Que ie reste apres coumpagno
Sal chamin de l'avvenir.
Ma... ai mac m'ounço de speranço
La drìero que vol murir.