L'èro na journà frèïdo d'éoutoun e Barba Toni èro parti per la chasso. L'èï pa que la fous en boun chassaïre, èi countrari, a l'avio pa jomès tira en coulp de fusil sus na bestia, ma les caouses èroun ana coumo-co. I'amis de barbo Toni, l'ero tout de vieï chassaïre e lou jour de dron iavion vist i chamous dessout lou Pelvou, l'èï mac qu'i eroun pa prou per far la toucho e per attende i chamous èï passage. E bouco i'avion gava la pèl a Barbo Toni perqu'a l'anés oub'is a lour ajuar en disont qu'a l'orio pa tribulà e que èï seriò mac està aqui dedin na tampetto attende qu'i chamous arribessoun. A Fouorço far èï s'èro decidà e a l'albo i'èroun parti vés lou Pelvou.
La journà èro pa pèï ton bello: l'aviò ben de brino e l'àouro soufiavo frèïdo en fasent boujar e geme les bronchès di melze.
Vous chal saber que Barbo Toni èro brave coumo lou jour ma pa gaïre courajous: èï créïo encà ben a lés estoriès que se countavoun de sero dedin les vehiès, storiès de masq e de foulatounès de signal e de mouort que revenoun.
I'aoutre chassaïre chaminavoun vite senso parlar e Barbo Toni en pensent a tout'aquellès caouses, èï se sentié la chard de poulo. A fouorço de chaminar i'èroun arribà sus la rocho de Quiot Chiòoumòour e aqui i s'èroun affermà.
Après aver parlà en moument ent'is i chassaïre avion dich a Barbo Toni de se betar en dessout en rouchounot e d'attendé. Se la fous arribà i chamous èï deviô pounchar e tirar; pa d'are.
Après aver dich aco i'èroun passa en paou per cont e Barbo Toni èro arrestà soulet-soulà a tramoular de frèït e de pòour. La nebbio arribavo basso su Moure Frèït en Souffiant; tont en tont i se retiravo, ma pèï i tournavo arribar pu stencho e frèïdo e i s'acoustavo dedin i coumbalot en fasont parèïsse e desparèïssé i'arbou. E d'aquel mentre, Barbo Toni repensavo a n'a storio qu'a lavio sempre òouvi a countar e que disiò que dessout lou Pelvou la viviò en gros chamous nièr coumo la nuèch, oub'i couorn lonc e pounchu.
I'aoutre chamous n'avion pòour e i'ome deco perque aquello Bestio l'èro n'a creaturo enfernalo que lou diàou avio mandà sus la mountagno per pourtar a l'unfern tuchi aquié qu'a l'escountravo.
Barbo Toni en paou per lou frèït e en pàou per la pòour qu'aquello bestiasso arribe, èï tramoulavo coumo n'a fuèïho e èï préavo qu'aquello bruto journà fenisses vite e ben.
L'aviò douès ourès que s'i amis l'avion lèïssà soulet e Barbo Toni speravo qu'i tournessoun vite. Eï pounchavo i'uèï per vèïre s'èï i vèïho arribar ma a n'un bot i pél, i se soun òoussà sus la testo: Dron a n'èl, èï mès de la nebbio, sus en rouchoun l'èro apparèïssu en gros chamous nièr que lou guerdiavo, ferm, senso boujar.
Per Barbo Toni l'èro trop: Esfraïa coumo en chat, èï vouliò virar a rèïre per escapar, ma d'aquel mentre lou chamous s'èro betà a couré ves a n'èl ton qu' èï pouïò bate: Barbo Toni èro pa-pus està boun a boujar: èï guinchavo la bestio oube la goulo duberto, e talament qu'èï tramoulavo l'èro parti en couolp d'èï fusil qu'a l'aviô a la mon.
N'a bruïssoun enormo, n'a brèïssèlo e lou chamous èro ravioulà èï founs d'en coumbalot: mouort!
En moument après i chassaïre èroun tournà e tuchi fasion i coumpliment a Barbo Toni per lou bel chamous qu'a l'avio chapà: ma èï tramoulavo encaro e èï pensavo «Disè, disè, ma mi a la chasso tournarèï pus jomès».