Aquel que escrì aquestes rìgues, l'ei en jouve de mountagno coumo tout'i i autre, e coumo tout'i autre ai laisà moun paìs per anar a travaiar en vilo.
Perqué lou ai fach?
Perqué sourtout i jouve s'envon de la mountagno per affrountar la vito de la vilo?
Chercharei de respounder a n'aquestes demondes per far capir a n'aquie que vivoun encaro en mountagno, que la vito de la vilo es pa touto coumo veòu mi e coumo pensou la vearé vouzautre.
Erou encà meinà e couonte d'istà veòu aribar i touristo 'mbe lour maquines, magaro ben vestì e elegont, sougnavou jo de me veire mi din lour.
Couonte soui gront: a pensavou; a vau travaiar dedin na fabrico a Turin, gagnou pei bei de soldi, me chatou na maquino e venou pei pasar les feries eisì.
Aribà a quienze ann l'ei lou moument de chouzir; carcun countinuò a studiar ma aquie sigurament retournaren pa a travaiar a lour pais, eimonc per auro perqué i avarion pa lou post per s'empiegar, e per i autre la groso dechizioun que saré destinà a chambiar tout'es cauzes, siò din lour maniero de vioure que de pensar.
Per aquie que restoun la chambiaré pa tout'es cauzes, i countinuaren la vito duro de sempre, ente caique bot se travaio tout l'ann senso gagnar aren, ma i countinuaren a vioure din lour ambient, avaren sempre la soudisfasioun de coumensar lou travai e de lou pourtar a la fin, de vioure din lour meizoun de parlar lour lengo, de aurganizar i travai coumo la lour semèo miei, i avarén sempre l'enterés que i pouso a travaiar, perqué ogni cauzo que i faren i saré facho 'mbe counvinsioun. E 'mbe tout acò la faré d'ome magaro paure e marcà da la duro vito, ma 'mbe en caratere dur coumo lou fere e la persounalità forto de tuchi i ome de la mountagno. Per aquie enveche que veoun coumo veou mi en vilo tout de rozes, la vito rezervaré tout'es sourprezes.
Sigurament i avaren les feries e la poussibilità de se chatar na maquino, ma a que pres!
I m'on fach chambiar maniero de pensar de razounar, de vioure, de me vestir, de parlar e de minjar, i m'on gavà lou drech de prener dechizioun, d'enterés per lou travai. I m'on gava l'espensierateso, la vueio de vioure e de milhourar.
«La jai pol pa esser din lou fracas que m'es dentourn, din les lavonches de gent que escontrou tuchi journ senso counouiser jomés digun, din aquelo souchetà que m'a pres tout de moun corp e de moun animo.
La jai viòu coumo l'auro su mes mountagnes ente la pos troubar dapertout, din lou souris senso oumbres de na persouno caro, din na strecho de mon de 'namis din lou soun des campanes a l'«ave mario» me la jai viou pa en vilo.
Acò l'ei moun esperienso.
Jouve que se per prener na dechizioun: elo aquelo la vito que sugnà?