Ün merlu a gaitäve üne zanzare an agacend el mument bun per l'atrapä, ma ün garsunet bu ün colbe de sa flecce a tiò l'üsel.
La zanzare i vole viò e väi pugne sül brà el férié k'a dürmiò a mèi de su möbli.
Apré tré giurs l'omme a cèj malatte per la fiura k'igl an dunà la picüre dla zanzare.
Antremanté ün saudà a caväl a galupave per purtà ün ordre de bataglje, ma a l'impruvis la bestje a perd ün fère, a sopje e a pò pamai anä arant.
El saudà a vai da férié, ma élsì a pò pa laissà sun lèit. Anlure a väi a pè, a l'aribbe trop tard a destinassiun e la bataglje l'é perdiò.

Se el mèinä a tiäve pa el merlu,
el merlu a magliave la zanzare,
la zanzare a pugnò pa el férié,
el férié a feräve el caväl,
l'ordre a l'aribäve an temp,
la bataglje l'ère pa perdiò!