Quèlle via d' Lavòl, lou pô
il à counouisù
d'une fènne ben aflitsô.
Pla glouare d' soun paî,
per sa fouà
soun filh a s'ée astrupà:
d'un caire a l'autre il on menà
per qu'â fousse acudì e sounhà,
pèi a Lavòl al ée tournà.
E sa dzent a plourô
e a priô...
Il on pourtà a La Ruô
e sa mamà venìa l' troubô.
Venent avòl
il ere côzi counsoulô
ma cant i s' n'anòve
i pouhìa mequé plourô:
une ligrùmme, un sanglut,
une prìëre a tsaque pô...
Dë qui triste destin
sens espouare
i sabìa la brùtte fin...
Soun filh sarìa perì.
Un dzourn, l' Boun Diou lhë dì:
«Verè Madlenin, verè abou mi,
votre tribulô ée finì... ».
Quèlle primme,
plu vitte on flurì
lâ pancouta per mamà Madlenin...