Basoure d' soulélh
iclatô
din lâ nebbla d' l'outönh,
l'ée fete per prassa e p'tsì rèi
quë volon
su d'òla d' seren e d' lumìëre,
l'ée d'cò fete p' lou vèi
quë tournon countên
s' permenô
su la ribbe d' la bialìëre.

I s' nen von la tristese e la pau...

Dâ cubers dâ cazèi
â gourée,
d' lâz albrètta, â sòli, â bletoûn,
su lâ brontsa plu auta
lh'à mil voû, mil tsansoûn
quë faison lë cör dë qu'lou vèi
e il itsàudon
per toutte la basoure...

E cant lâz oumbra desendon
s' la valadde
e i la fon silenshouze
d'cò lâ voû s' tranquilizon,
s'arpàuzon
campannha e devée.
Aut, dint lë sìël,
la s' pò vée
d' neblètta d'ardzent
quë â boun vepre dâ soulélh
î proumetton
d' nouvella tsansoûn
âz uzau
e une nouvelle proumenadde
â velhoo d' ma valadde...