Omme d'oc, leve-té,
t'ô dreit a la parolle!
C'mà un briou d'àure,
que pôse mountannha e cau,
omme d'oc leve-té,
l'ée-z-oure dë maure!

Su la drôie trasô dâ vèi
entsamine toû fî e toû minô,
leise-té pa fô
da tsì semble dzenerou e vò toû bên
ma pèi,
a pìël a pìël,
at tsôve la libertà,
ta modde dë vioure,
te lengue e toun patouà...

Toû fî,
su l'imouvau dâ vèi,
î pernaren counscense
e i creisaren souliddi e ben enreizô
su notre belle tère dë Prouvense,
c'mà loû dzarô
su notra vellha simma...
E loû fournau
î tournaren fumô
e tônti dzours nouvau
s'ubraren dron tù, omme dë Prouvense,
s' tu pernarè counscense
qu' t'ô dreit e la parolle.

Omme d'oc, icoute-mè,
la mia l'ée pa un'idéie
ni baravantône ni folle:
omme d'oc, t'ô dreit a la parolle!...