Dande Mariun a sun omme k'a sort ëd méisun:
-Ma Batistin, Batistin, k'avàu fait?
-Cmè la sariò a dire?
-Argardè votu pé, démun!
Batistin a s'argarde lu pé: a ciausse du ciussié décubbli. An se lévent, a tatun, petêtre ancä ün pauc andürmì, a l'aviò pré lu prümi du ciussié dessus ël lèit e parié a s'ère anfiélà ün ciussié bà e ün stivalin.
-Fasè pä l'anciantà, éturdì d'ün éturdì! Ciangèlù... e vitte, k'a l'é giò tard.
Batistin a fäi dietrofront, a munte de bordu las éciäla e apré duà minütta e l'é ikì.
-Ma Batistin! U siè ancä parié!
-Pa pussible: siuc anà a la ciambre e lus èic ciangià bu lus àutri.
-Ma s'u siè täl e käl!
Batistin a s'argarde lu pé.
-Anlure pa d'armeddi! L'aut parégl a l'é cmè isset... e laissème anä, sedinò perdu le Messe!
E... via!