Que paî clôr e vert ée Pradzalà!
Un pò vée toutta lâ coulours:
lë bloe dâ sìël, fâ floura toù l'ità,
lë blonc, lë roui e l'or per tu loû dzours!

D'ità un pense â fen, â boc, â blà;
dront arbatô lâ trufa ou semenen,
ma ecco que l'outoegn ée-z-aribà:
un arvìoure, un bôt, ou moulinen;

un fai pei lë pòn. La lh'à la néu: lâ vatsa
velon, ou-z-engraisen notri courîn,
e lh'à pa d'aure a fô che quaca patsa
que souvent enritsison loû malîn!

Su lâ mountagna lâ grôsa marmotta
soun dzò entunô, e din loû pëchoo paî
lâ fenna cohion trufa e carotta
beq î tacounon, dront anô jurmî...

Loû-z-ornmi reison boc, pôlon lâ via,
bricollon din mizoun, fùmmon lâ pippa
e plon planot survelhon lâ mendìa
ou pôson l' temp a fa coure lâ toulippa.

La campagne ée ben tranquile dësou la néu
blôntse e brilhônte â be soulelh d'uvern;
feia e vatsa rùgnon dapè lë béu,
anque se fore la semble qu' la lh'ôi l'enfern...

La pourè ben venî dë temps plu rùddi,
ma pël moument la lh'à pa nùn quë s' plàgne.
Tout ée tranquil e tout ée sens fastùddi:
la semble proppi l' vrè paî d'la coucagne!