A l'eepòcco quë la Mëlanì dë Macòri faziò encâ la meetreso, la lh'èro un cantouniè dë Fëniitrèlla quë, per èse plû prê dë soun travòlh, â s'ero enstalà â Viaaret dont â mandòvo soun filh Troumlin a l'eecolo.
Troumlin â s'ee vitte lià d'amitiè aboù Paulin e ensemp il ân coumensà a fâ louz escarios en tirent lâ trènna a lâ fillha, en foutent dë punhâ dë moucha din louz ancries, en routent d'ecoundons coumà dë courins e arant parelh.
Un journ qu'î nen pouiò pâ mèi, la pauro Mëlanì lhë di a tû dû:
-Ouz ecrirê dousen vieggi su lë caiè votre non e counhon, per dëman, pâ plû tòrt! Avà-ou coumprée?
Embê quë Paulin â broncho pô, Troumlin â s'eecoffo a plourô coumà un vèl.
-Soqqu'avà-ou? lhë dëmando la meetreso. Ou coumensà a crènnhe la rosto quë vouz atent a meezon, pâ vee?
-Non, l'ee pâ queen, ma l'ee pâ just...hi hiii...
-Coumà, pâ just? Pourtant, vê eiquì Paulin: â di pâ ren!
-Oi òi, â pò pro, eel quë së dëmando Pol Gòe; ma mi... hi hiii... mi quë siouc Bartelëmì Micelounet... e ben... l'ee pâ just... hi hiii!

............................................

Doun Richòrt, curà dë Pouriera, al aviò l'arnoumanddo d'èse un gran blagueur per countiâ dë blagga, ma pâ per l'eleganso.
Un journ qu'al ero desendù a la fiero dâ Viaaret, â s'èro pourtà aprê un parëpleò talment ebrënà quë nianco Pinot auriò voulgù së moutrô aboù queen.
Ver meijourn al intro din l'ostou dë la Gin dâ Gust per beoure un ciquet dë brando.
-Soqquë pourtà-ou eiquì? lhë fae la Gin, efarajô, en veént quèllë velhariò. Avà-ou pâ ren dë melh?
-Non, Gin, per èüro non.
-Ma l'ee pâ pousibble dë së proumënô aboù unë mizero maequeen. Coumà Vialëtrin, ou nou fazà pâ onour!
-O sî quë l'ee pousibble...
-Ecoutà, enquèü l'ee la fiero: mi ou pòeou un parëpleò tou nau.
-Non, Gin, mersì bieen, ma laesà iitô: toutun, më nen servou mequè cant la plau...