Magôre,
la të plairìa tournô
(un vol
aboù louz-èu sarô)
din ta velhe mizoun
dount un dzourn dzò leugn,
côzi isublià,
ta vitte à acoumensà...
Tsaque sazoun
ere flurìa
boù dë parfûn nouvau,
lâ floura e louz-uzau,
lë fen, lou goulenscìa,
lë blà
qu'avia mèurà
din lâ tèra benizìa,
lou brai dâ courin
lë dzourn
qu'en fazìa lë festin...
Aloure
la vitte ere belle
din quelle mizoun
boù la porte uberte
dou l'albe
enché a soulélh coudzônt...
A siou segur
que la të plairìa tournô
ma tu pohi pô
ou, magôre,
tu voli pô
e parìa
ta vitte s'icoule
sens amour e sens pouizia...