Lë catorze dë mòe ouz aveen enterà â Viaaret lë mèitre Gënezi Jourdan. Al èro naesù a la Greizolo eutiant'e tree ans fòe. Loû letours dë «La Valaddo» î së souvenan ben dë la poueziò «L'Alluvione», qu'al aviò publihô din lë numerò sèt de notre journòl. Lë doû d'aut dâ stant'e sinc al aviò prounounsà encòr'un bê discours a l'inaugurasion dâ pialon dë la Greizolo, coumà nouz a countià Ouggo Piitoun din lë numerò trèzze dë «La Valaddo».
Lë mèitre Jourdan al aviò faet sa cariero, estimô e ounorabblo, cazi totto a Turin. Al aviò dëcò mouutrà â Viaaret per doû ans durant la guèro; souz ecouliés d'alouro së souvenan ben quë, d'uvérn, lë matin â faziò eecolo en clòso e l'aprê meijorun â faziò eecolo dê squî â souz eelèvi en s'ecarusent sû loû linsols de neò dâ Cougn e dë la Lauzo. En eefet, l'ero un apasiounà dë së sport.
A pasòvo loû mee dë chaqu'iità â paî, dont al aviò plazee dë razounô la gent aboù soun ton calme, pòzi, en parlent un patouà clòr e pur coumà l'aego dâ rioû dë Rouan.
Quë lë Boun Dioù dë notri paeri lhë doune l'arpaus senso fin din la pô dâ sièl! Et noû, counserveen lountemp din notre queur lë souveni dë set omme qu'a faet ounour a noû, â Viaaret e a sa Greizolo.