L'ée-z-encô nèut. Lë sìël â brilhe
d'itìala freida beq une lune d'ardzent
baize la valadde e la mizoun 'd ma dzent...
Ma dzò un quinqué s'allùmme e un omme s'abilhe.

Pèi, din pâ gaire, boù 'l tascapòn sl'itzine
e un'appi nauve sl'ipalle, dâ teit a sort
e âs plônte angardô 'l sìël su l'u dla porte:
l'ée-z-encô nèut... e l'ère ée fine!...

Dabort â s'entzamine planot planot
pensent a sa familbe e a soun fouhia,
beq âs nen vai soulet amount pla via
â vè soun pzit que gieurm din soun leitot

aloure âs plônte e tou countent â rì...
Ma lh'ha pa 'd temp a perdre, la vento anô
e qui brav omme â tourne s'entsaminô
amount pla drôie. La lune, din 'l sìël, i rì...