L'univers entìe lou Boun Diou al a creà
e, s' lou mes, la rioundo tèro â lh'a butà.
De bèlla mountagna al a voulgù la garnî,
auta, impounenta, maestouza, faita per stupî.

Ma toutta sètta mountagna, bèlla e grandiouza,
plena de flour e de pianta prousperouza,
al a volgù que â foussan pöplâ da de gent
forto, roubusto, pleno de sageso e de buon sens.

La flour de sètto gent,
lî pi fort e lî pi resistent,
l'ee proppi qu' lî bravi Alpin
que ân toujourn defendù noutri counfin.

Noutri segne, noutri paire, noutri amis
il ân zamé fait e zamé i fareen avis:
iè, encöi, douman e senso jamai quitâ
soun dëvee il ân aré fait e countinueren a fâ!

Lour sanc, e meme lour vitto entemerâ
il ân oufèrt a noutro Patrìo menasâ
senso zamé rien demandâ
enforo que la libertà e poguee travalhâ.

Umile e sagge al ee l'Alpin,
malgré qu'â sie rudde e pâ fin,
ma al a toujourn agù un gran cör
e d' la viltà al a toujourn agù orör.

Cant la lh'aribbo un tramblament
l'Alpin al ee toujourn prezent;
uno catastròffo o un aluvioun,
l'Alpin al ee prezent a ploutoun!

Mi car amis, mi car Alpin,
countunà a marchâ su votre chamin:
chamin que porto a l'aleanso,
chamin que meno a la frairanso.

Countunà a ounourâ votri mourt,
countunà a volguee ben a qui a oufèrt sa vitto
per lou dëvee de servî sa Patrìo,
la chozo pi auto, pi nobblo, pi sacro e pi soufrìo!