Viols e tzariëra e dròia d' Pradzalà
quë viron p'loû vieladzi e lâ bourdzô,
mi anòvou amount e avòl c'mà un disperà,
ma ptzette î lh'a mougù loû prumìa pô:
d'isì e d'ilòi s'icoulon loû cazei
dount òn pasà la vitte tû notri vei...

Soun vèlha lâ mizoûn, il òn mil'ôn,
faita aboù d' peira e aboù d' trau d' btetoun,
loû murs î soun icrusî e dzò malsôn
e s' loû cubers la crei tzafin l' gramoun.
Ma l'ee cameme un cacaren quë vòl,
qu'a rezistù â deludze universòl!

Din lâ tzarïera oû troubà tou d' sorte,
dë grosa peira e d' soutza abarounô,
un tzaputìa, d' cleia, une creppi, une porte,
une taule e douâ tzeriëra abandounô:
së pei la plau ou ben së l' temp ee mol,
la paute î vouz aribbe còzi enché â col...

E pure a mi qu'lâ dròià e qu'lâ tzariëra
pareison bella c'mà loû cours d'une viële,
së a pensou an-ella tzeion lâ bariëra
e arvèiou tou ma vitte a piël a piël,
dou l' dzourn quë mi mouvìou loû prumìa pô
enché quë mi ei leisà ma pëchotte bourdzô!

La peira dë qu'lâ dròia moû piroûn
il òn bagnà aboù d' sònc e boù d' gran shiour
perqué lh'ouguésse për mi loû boûn boucoun,
perqué fousse belle ma vitte parìa d'une flour:
a siou segur quë din sâ fantazìa
pensòvon pô quë crèisre pouhìa un'urtìa!...

Enquèou la s'dì qu'î volon goudrounô
loû viols e lâ tzariëra e l' velh tzamin,
la sarìa un bê travòlh, nen douttou pô,
ma oû sen a Pradzalà e pâ a Turin:
notra bourdzô sarìon magòre plû bella,
ma sens' lë boun parfun d' lâ tzoza vèlha.

Tou sarìa seuli, tou sarìa brilhònt,
lh'ouguere pâ mai ni creppi, soutza e cleia,
din loû cantoûn lh'ouguere pâ ren d' rablònt,
pourìon lâ damma lei rablô sâ seia
e sens' dzî d' crenche î pourìon anô e venî
din lâ tzariëra dë notre bê paî...

Ma mi cameme a sarìou pâ countent,
stimarìou mai quë viols, dròia e tzariëra
soubresson c'mà î soun enquèou, sens' tzandzament,
perqu'a pouguèsse tournô din lâ trufliëra,
pitò louz ors e arfô lâ marminella
qu'òn fait maz oura dzouva embaroun bella!