A Balma di Roure si è svolto, il 14 luglio, il IV Concorso di poesia e prosa in lingua occitanica. Ecco i premiati:
Premio di poesia per i giovani al di sotto dei 15 anni: I premio Claudia Rossi (Val Varaita)
Prosa: I premio ex-aequo Franc Bronzat (Val Chisone) e Tavio Cosio (Val Varaita); 2 premio Ugo Piton (Val Chisone); 3 premio Osvaldo Peyran (Val Germanasca); 4 premio Serile Sandre Gay (Val Chisone).
Poesia: I premio Peire Bonnaud (Auvergne, Francia); 2 premio Dzacoulin Bourtela (Val Vermenagna); 3 premio Lucia Abello (Valle Maira); 4 premio Fredina Richard 8Val Varaita).

Madammo Juspino l'ero la fenno de l'avocat dioulaie e, countrariament a soqque al ero soun omme da viou, ilhe il ero talment avaro que, per lou paî, cant ilhe naturalment î sentìo pâ, î la noumavan "la Madammo Ransio"! Qui nen portavo lâ pi grosa counsegouensa l'ero proppi la pauro Marietta, sa sirvento. Ah, de travalh, fin que te voli, ma da minjâ, pâ trop!
Uno matin la Madammo î dëvìo partî per la vielo; il avìo da anâ trobâ de lögn parent, de velha amiza e, ou poià capî! pasâ a la Banco de San Pol a rëtirâ lh'enteret de sî soldi eiquì depozà. Î dì a Marietta que din doû journ î pensavo de fâ tout; ma, coumà l'ee soun abituddo î coumenso a li coumandâ tanti de quelli travalh que la bastarìo pâ sei mee per li fâ tutti. Marietta, pouliddo la chambro... Marietta, vai dounâ malhâ a lî lapin e a lâ jalina...me racoumandou Fiffi (lou chat!), qu'â prenne pâ freit ... e Foufettou, oh moun Foufettou! (la vèso, que il ee jò talment graso e velho que î boujo cazi papì!), meno-loù pisâ dareire meizoun, e fai atensioun que â se bagne pâ. .. e pöi, m'asouvenou papì... ma me racoumandou, nee!
Entrementìe, per fourtuno de quello pauro sirvento, î coumenso a s'enchaminâ a së n'anâ Marietta î lh'öbro lou ratèl, ma Madama Juspino, tra un salut e l'autre a soun Foufettou que dörm tant que â n'à, î racoumando encaro a Marietta de pâ minjâ,pâ fâ trop fuoc e e de poulidâ, armasâ... poulidâ...
Coumà Madammo viro la cantouniero per anâ prenne la posto que la deou menâ aval a la vielho, Marietta chappo la coursio e vai dreito din la crotto. "Se ve li pensou mi a fâ uno bello fèto a laz eipalla de la Ransio! Entrementìe î
pren un panìe e li butto dint sei ùou, un bèl salamas lounc parelh (e î li fout jò un bèl mourdoun), uno doulho de vin e uno bello micaso de pan. I mounto en cuzino e, ensemp a lî sei ùou, î coumenso a lî chapoulâ lou salam bou un pauc de sebbo, un pauc de mento, uno doso d'alh, douâ o tre fölha de tanaréo, un bê pesioun de sal (tant la lh'a la doulho pleno!).... ensoummo, la vai restâ uno meletto de quella que flamban lou boc! Bê que la meletto frigî, Marietta eitent su la taulo un bèl mantìe blanc bou lou toundin, la fourchetto (e î douno uno touirâ!), lou coutèl e lou...veire. La meletto il ee prèsto. Que meletto! Que proufum! Uno vero delisio. Fin a lou chat, qu'ero de l'autre caire su lou sofà, al aribbo sai en cuzino e al acoumenso a miaulâ.
Ma... coumà Marietta s'asetto, la pòrto s'öbr e a Madammo Juspino, que a perdù la posto, la se presento un bél spetacle! La rabbio li mounto, î li mounto talment que î ven toutto rouio, pöi blancho,...pöi, bou lou dè pountà vers la sirvento, que ero restâ de boc, î li bralho: "Tu me malhi tout, tout, tout!..." e î chòi lounjo eitavanìo su lou planchìe.
Marietta, toutto eiglaiâ, î sort de meizoun e î coumenso a demandâ de gent, e subit lh'aribbo lâ vizina. La Madammo de l'avocat dioulaie il ee proppi pâ ben; il ee blancho coumà uno patto e î countuno a dire: "tout... tout... tout...".
Vijot, que l'ee la pi jouvo, î vai demandâ lou meddi, que planto eiquì sâ vizitta e al aribbo subit; ma purtrop la Madammo il ee mal mal; vento subit manda cerchâ lou notari.
Cant lou notari aribbo, la Madamo il ee coujâ su soun leit e î countuno a dire: "tout... tout... tout...", e bou lou dé î moutro Marietta que, dreito a la pè dei leit, i fai avis de plourâ. Lou notari â s'asetto de caire a un taulin e al acoumenso eicrire; de temp en temp â gaccho vers la Madammo que countuno a dire: "tout... tout... tout...", e â li fai segn de sî bou la tèto.
Finì d'eicrire, â se dreiso e, a vous auto e ben coumprensibblo a tutti lî prezent, â dì: "Ouz avà ben capì tutti... la Madammo de l'avocat dioulaie î leiso sî ben, möbble e imöbble, a sa sirvento Marietta eisì prezento.
Diza-li-lou decò vouzaoutri que ouz aveen tutti capì e que sa voulountà il ee ezaudìo. Testimoni, firmà eisì!".
Sabbou pâ vou dire de pì; ma la semblo que Marietta il abbie degù fâ archaudâ sa
delisiouzo e proufumâ meletto.