Batistot a l'ère ün brav'omme, ma a l'aviò ün difét, ün grò difét: a l'ère avär, talment avär ke las pujò äipä n'an trubä ün autre per fa la kuble.
La diémenge as bütäve l'abigliamente bloje, oj, ma lu kuddi, la genugliéra e ël kulét i l'èran früs da mutrâ la korde e lu ciussiés duà grula fàita a barke.
La gent i l'argardävan kant k'a passäve vitte vitte per anä a la Mése bu sun anlüre a pasetins.
Ün giurn, vai sabé kmè l'é-z-anà, lu Fenêtrelins il fan kunsié dla Cumüne.
-Eure k'u siè kunsié, la ventarè bèn k'uz acetti üne abigliamente e ün parégl ëd ciussiés- i dì Roze, sa fenne.
-Ma l'é propi nésésére? U pujén pä n'an fä a mens?
-Ma certo ke l'è nésésére, u puién pä nan fä a mens! Ün pauk ëd decoro agl väi, diau, u siè kunsié.
-Ebèn ëgl pensu sü sé nèut.
El matin apré, Batistot l'é dsidà: -Acettu lu ciussiés, ma rèn äre!
A la prümiére sédütte da Kunségl, Batistot as n'aribbe tut fiér, bu lu ciussiés lüjent an fazend lu pä lunks kmè a l'aviò giomai fait.
Ma luz autri giurs, bu la grula, a fäi turne lu pasetins.
Luz amis i vularian sabé ël mutif, ma l'agl à pa mujèn ni da Batistot ni da sa fenne.
A la fin Piérin Talmun, k'a l'ère ëd mézun, as présente a Roze bu ün pakét ëd kafé mulinà ëd frék: -Sü, fazè la bräve, Roze, dizèmè perkè votr'omme a fäi lu pa lunks a la féta e lu pa kurs luz autri giurs-
-Méklau ëd vôta bräja, Piérin!-
Ma l'udur da kafé a gatigle ël nà dla pôr fenne k'i n'an preniò pa gaire.
-Roze, dizèmsù e uz anin as fä üne bune tase ëd kafé bèn ciargià e bèn dus.-
La fenne i n'an po plüs e dua larma i dsèndan dluz ögls.
-Piérin, vuz dizu, ma dizè pa rèn agl'autri. Mun Batistot l'è ün brav'omme, ma l'e talment avär k'a fäi lu pä lunks per pa frütä la sola dlu ciussié naus, ikellu dla fête!
-U siè üne bräve fenette, Roze, prenè tut ël kafé per vu.
Arvé e purtau bèn!-