Paoure labrì. Fransouà avio dit de òi ma proubable aboù lë coer gonfle de tristeso. M'nen souvenou c'mà la fosse èuro: l'avion etachà a la velho soccho d'un chataniè, roujô daz ans e da lâ chamma e un colbe, doû colbi e tou' ero fenì. Doua maccha rouea anion s'largent su sa bouro e su la neò embê que sâ piotta draiovan l'aer e souz oelhs enteroujovan loû prezens, nies, un pauc aegouloû...aranhô de mòrt.
0i, t'eri un marì...Pernò...a Malzè t'japovi â foureties, savinhovi lë panos en moutrent lâ dens...pâ d'ore e lâ feô së prenion gardo, counouision tro ben tâ machoira e a le neut laz intravan vitte vitte din la cleò que qué boun òme dë Fransouà Barriero aprestovo.
La soppo, rim dë poulento, pan arstà, aigo e ön paouc dë trench, fazio da dejoen, da dinô, de sino e eiquen per tou' loû jours, per tou' louz ans. La toujourn memo vitto d'ön labrì. Sens'aoutre t'eri naesù sus ön paouc dë palho â fonz d'un teit, niè, la bouro lonjo, laz ourelha bosa, lë mourre carà, lë panos avirounà.
Lë paî aviò desidà, per tu ero venguò la fin e lë chasaour plu en piotto (ou lë plu blagör) aviò faet justisio dins ön journ dë janviè.
T'aviô pourtà viò uno jalino e magaro cacaren d'ore ma i sabion pô elli, quë l'ero per fom ...simplament i te dounion pâ mei gaire da malhô e d'uvern la së sop, la fae freit e la vento avalô cacarenout per s'echaoudô.
Douzèuro ta bouro coumensiò venî blancho e t'aviô un marì entrenec; loû meinô s'escapion en aouvent toun carcavel sounô per lâ charriera d'la bourjô. "La vent lë tuô" diziò la gent "La së sop jamei!" "Cant li faet li faet". "Doû colbi e amen" e parelh al iz ità. Lë Fransouà diziò: "al i velh, ou pouen pa mei lhë chanjà la teto". T'aviô vit tou' quel gent e tu groupà per uno cordo, rablà per lâ viô dâ vielagge fin eloe, de caire â riou.
T'avion leisà soulet, asëtà, abòu la lengo foro en agachent tou' qué mount e quel eloe aboù que gro' baton embrasà...t'sabiô pô quë l'ero ön fuziel. Doû colbi, sechs, la neò quë plan plan veniò roueo e apre la lh'ero mequè unatenc quë faziò maoure ta bouro niero.
Nun t'aviò pourtà viò, il avion mequè chavà la cordo e i t'avion leisà jaire su la neò quë plan veniò jalô a la bas'ouro, cant loû raes dâ soulelh i fan venî lonja laz ombra e louire loû glasirons e lâ voulps aguintovan a l'abrì dë boesons sens felha. Lë journ aprê t'avion troubà d'un maniero quë faziò onta, malhà e roujà da dens ben pounchùô e per coupletà l'obro t'avion plasà, ou melh soc' la lh'ero ancoro de tu, â mei dâ souchos e il avion aprestà dë los per achapà lâ voulps.
0i...t'eri un paouc marì...ma un fin parelh, paoure labrì...douviâ pâ la fô.