La lh'ero la coutummo a Chaumoû din loun ton pasâ ad fâ lâ publicasioun ad tou janre par mezo ad la gardo comunalo. Can la vegnò nöt e la jon s'ero artirà ad la campagno, la gardo i pasavo din la grando arià dou paî e i s'arestavo taz an ton e i dounavo couquë crèp ad troumbo par atirâ l'atansioun ad la jon e për anounsiâ a vouâ auto l'avî etablì.
La lh'ero capità que a un serten Piero Jalh i lhi an roubà un baricot que iel, selon l'uzanso, oul ouriò trapauzà a bagnâ din un gran bachas d'uno ad lâ fountane dou paî, e par fâ bounâ lâ douie, que an etan söcche il adran perdù ël vin.
Duran la nöt ël baricot oul ero disparù, parqué louz ian roubà.
Ma ël Piero Jalh s'o pâ enervà; ou countrere, an dounan provo ad calmo d'esprit, qui l'ero uno ad lâ belle dotte dou Chamousin, ou vei da la gardo comunalo e, an proumetan la bouno-man, ou l'ancharjo ad tournâ a troumbëtchâ e anounsiâ a la jon dou paî:
"Ël moussiö Piero Jalh oul anvitto que tchi qu'oul o roubà ël baricot ou pâse da iel ad artirâ l'eitoupoun parqué tan a iel ou servo pore".