Pluziör Chamousin dou bel ton pasà il an leisà un agreabble souvenir d'ielloun për lâ lore drolerìe. Pour ezömple, Touan Olivìe, ansien Counsou ad Chaumoû, ou coueintavo un jour:
"Coumme l'ei anà que ël chat ou m'o minjà la vaccho"
"Al aìou desidà ad deifame ed ma vaccho e par counsecanso a laz ei mënà a la fiero ad Söizo e a laz ei vendù për son lire.
L'aqueran m'o dounà un bel bilhet da son e mi a louz ei arcatà bion bion ou foun d'un chitto corbèllo que aioù pourtà avei mi.
Dëran d'arpartî për Chaumoû al ei chounjà a la mërëndo e ai ei achetà un ecto ad toun e un toc ad pan blan e a louz ei trapauzà din la corbello.
Arivà a la meizoun, al ei tirà foro da la corbello tout, ma am sou n'avizà que l'ölicu de toun l'aviò tout ounzù moun bilhet da son lire an dounan mei ël flà du toun.
Për aranjâ ël domege al ei bità su al clot ad la finetro ël bilhet për eisuâ-lou e louz ei fisà avei doue peire.
Ël vepre, can sou tournà da la campègno, pour proumiero chozo a sou anà veire se ël bilhet da son, que tou-coûr ou rapresentavo ma vaccho, oul ero eisuià. Or que eisuià! Ël chat, en senton el boun flà du toun, ou së l'ero minjà!
Parìe l'ei anà que ël chat ou mio minjà la vaccho".