Une meizounette ou fond d'un viô perdù
entre un champ ëd tartifla e dou prusìe;
un òrt dareire une broue de marmoutìe,
un pchì jardin grand com la man, pâ plu:

une fountane frèide e clare a caire
per bioure e per èigâ; la vache e un miou
din l'éitable, pel lai e per l'araire;
un bé paré 'd jarina per louz iou:

un pan ëd siére, un boun tóc ëd toume grasse,
e d'ton s' en ton un vèire 'd vin ëd Choumoun;
una rserve 'd souchas ëd vèil bletoun,
une pipe, un fusìe e un chin ëd chasse;

ésse soun mèitre jou per jou, peinâ
sur sa tère, ou gran'èr, sons ron douguèire
a ningun, e sons ron noun plu dmandâ;
éicoutâ loû jargoun de lâ choza, e s'tèire:

peui l'outòn, s'n'an sourtî sul fresch de l'àure
coure la mountagne, l'bô, 'l gran paquìe
qu'son boun, lâ coumba ruda, loû clapìe,
amou e aval sur la pià d'un liàure:

vioure dessous la garde 'd soun clouchìe,
serfâ sur lâ coutouma 'd soun père-gran,
s'méifiâ dou chemin ëd fere e de la grand'vìe...
ah! si 'n pouguessan rnèisse, pàure éifan!...