Lumme quë t'alummi
a la cantouniero
dë lā charriera
de çée bourjâ,
balançà cant l'auro souflo,
douni ta lumiero
a quelli qu'î sioun pa mai,
a quelli qu'î sioun anà
leunhs da çée vitto,
leunhs da çetti champs
èuro cubers dë neò,
pourtà viò cmà laz alga
eicarsâ da un'ondo dā mâr
per esre numers din loû numers
dā mounde ofiçiè.
Sien mëcquè restà iè e ma donno,
içi ad agachâ lou fons dë la valaddo
adont lou soulelh vâe mourênt
din lā prumiera oura dā vêpre
e plan lā muralha dā cazeis
venan jauna, azura, griza
per pèu erre sombra
eiclarsiâ dā ta jamei lâso lumiero.