Benvengù a misoun! m'ha dit une vou
ël dzûrn, qu'a sciu tournà countent e fla
a ma valadde flurìa...
Benvengù a misoun, tournà abou nou!...

Benvengù a misoun! m'ha dit la via
qu' pâsse dront el casèi dount ei vicù
el temp leugne e perdù.
da dzûrs flurî d'un iadze qu'ée-s-anà via...

E pèi laa-s-aiga clâra de Clisoun,
da rìu e dlaa fountâna e da batzâ,
e dcò lou bosciou e lou dzarâ
i m'on arpetà: oh; benvengù a misoun!...

L'ére laa vou simpla e pura 'd ma campagna,
dlaa simma blântza 'd néu, da prâ flurî,
laa vou 'd moun pciò pahî
perdù a mai da brics e dlaa mountagna:

i-s' nen passâvon din la vaute da sìël
cmà un vol d'alândra que-s' nen vole ledzia
e pléna d'armounìa
im dessendìon din 'l coeur a pìel a pìel...

Ma pèi su l'u dla porte 'd ma vèlhe misoun
la vou plu belle ei-c-entendù parlâ,
la vou seréne e parfumâ
'd mou vèi qu' disìa: Benvengù a misoun!

Aloure ei-c-artroubà qui ben presciou
qu' la vitte ramplî d'amûr e 'd pouisìa
e 'd ma valadde flurìa
ei-c-armarscià tûtta laa bella vou...