Stousero l'auro moulino per la vio.
Al tramolo lou viei roure a muer la bropo
de la novo pianto de gazio.
Se demouro la birbo abou les man grousieres
enté i miei chabei e az mìes oureies
i porto l'aire de chansoun strangeres.
I me sfiouro les jautes abou 'n careso fourestiero:
tenro e chaudo dal soulei d'l 'adrech,
grousiero e freido d'l'airet d'la Lauziero (1)
Touto per mi la vio, stousero, resto,
la gent s'hen fout ent'es cazes, al chaud,
ben al repar da la gran tempesto.
E ici degun me pol far sufrir,
desmentiou tout ensem a questo birbo,
que me fai vioure e me faré murir.
Auro que, al mez des piantes de gazio,
un moument te fermes e scarses bropes
que portez abou tu ou slarges per la vio,
auro que passez, duro, ent'la bruiero,
senso virarte areire ne fermarte,
siez couma Amour, o auro fourestiero.


(1)Lausiero: zona montana stroppese