Fau ren que caressàr aquesto cairo
crepa dal souléi
'nte milo uéi.

Fau ren quem pourta i péire
dal champ al quiapìe
coumo ihe

moun paire pourtavo e ma maire
per far la coutùro
pu oulvro e puro.

E couro lou souléi despasso i roche
e lou courbàss per temo
s'estrémo,

fau ren que mountà a scoutàr lou vént
su sal pu aut
de Beq Soubrént.

Amoun, da pé à la crous souléto, pila astréch
beicou arubàr
la nuéch.