La razoun dei pi fort e toujourn la melhouró:
nouz anin vou zou prouvâ tout a l'ouro.
Un agnelin ero en tren dë së disëtâ
a un pichot riou quë coulavo a l'avalâ.
Aribbo un loup afamà en cercho d'ocazioun
dë së procurâ uno savourouzo rasioun.
A di a l'agnel: -Qui t'autorizo a troublâ
moun abeouragge? Penserei mi a të chatiâ!
L'agnel tremoulant reipound: -Völhà counsiderâ,
mounsù, quë mi bevou a trento mettre pi bâ
quë ounte beou votro Maestà bien reverâ
e dë troublâ l'aigo quë vou, Sire, buvà
ai pâ ni entensioun ni pousibilità!
-Tu la troubbli!- ensisto arougant lou loup selvagge,
-e sabbou quë tu m'â maudit l'an pasà.
-Poìouc pâ tënî contro vou un movē lengagge
perquè duvìouc encâ naisse e tettou encâ ma maire.
-Alouro, së l'e pâ tu, la seré toun fraire!-
-No, perqué n'ai pâ. -L'e dounco un dë ti parent;
e per tu dei castig e vengù lou moument!-
En dizent quēn, per lou col â l'a embrancà,
l'a rabëlà din la foureto e l'a devorà.