La farino dë granét ou dë mélio dëvio coire pâ mënc d'un'ouro ënt l'aigo salâ.
La mélio ê itâ ëmpiegâ moc dòou l'intrâ dë nôtre siècle.
La s' poouìo minjâ la poulënto ën doou-tréi maniéra:
-Poulënto dë granet, bén queuito, e lait dré mouzù (lait buroou).
-Poulënto e lait dâ bûr. (L'ê lou lait qu'ê îtà tòout dâ burìe aprèe quë lou bûr s'ê fait).
-Poulënto e mërlus. (Moc a lâ fèta, cant la lei avìo lî soldi për achatâ lou mërlus).
-Poulënto e frîtâ d'uou.
-Poulënto e lait trënchà.
-Poulënto acoumoudâ.
I së fëzìo moc oou la farino dë mélio. Cant la poulënto èro bén queuito, la së pilhavo un poualoun dë tèro queuito, la së crubìo lou foun ooub un sôl sutìël dë poulënto, bén sërà ooub un culhìe dë bôc, peui la s'crubìo d'un sôl dë toummo dûro gratâ, dë canéllo ën poudro e un poc dë bûr foundù a la pèlo. La së fëzìo un aoutre sôl dë poulënto e vio anant, un sôl d'un, un sôl d'l'aoutre, fin quë lou poualoun fouse plén. La s'crubìo lou drìe sôl ooub uno bèllo eipësour de toummo gratâ, canéllo e bûr foundù bén chaout. Lou poualoun venìo butà për sinc minutta sû d'la brazo dâ fouìe e la poulënto èro prèsto për èse minjâ.