I castanhir soun dividù en doua grosa famìa: i a i sarvage e i gentil que soun le pianta entà, i sarvage aqueui dounàven lou bosc que fazìa de lenh per far i cubèrt ed le caza, per far ed post ent la résia e servìa edcò el bosc per far secar le questanha, ishoudar lou fourn e ischoudar la caza. Lou gentil era la pianta que venìa entà a la prima.

 

Cha parte da prensipi que la questanha que cala da na pianta entà coura toucha en tera e que broùia, nìie ven sus ma ven sarvaja, a pu edguna parentela coun la màire que l'a pourtà, touchava per forsa ed coza tacase pian pian e a la prima entar, aloura aquel que fazìa lou trabài d'entar partìa coura era el moument just e anava sercar ent i arbou. Ishì i a en nouvel ed Garoun, pìou d'ënte ed Garoun, ishì i a en nouvel ed Siria pìou d'ënte ed Siria, piàva la coualità que voulìa e apres anava aquì a l'arbu qu'era jo sta preparà l'an prima, scoupà en manièra que butes en gransò ed brancha, tacava pian pianòt, fazìa que entala, en fazent atensioun que l'ënte que vol butar es l'àouta piànta sie gros apaoupres. Apres se gava la plaia, en toursen en paou l'ënte es destaca dal bosc, cha avè l'avertensa ed ren fiacar la boura perqué se la boura es fiacà lou mìou ënte pui tiralou via. La boura es aquela que buta pi le feuia, fourma pi le brancha, fourma pi la pianta. Se vai anant pian pian da ren squiapar l'espola, se countunia fin que sàra ben edsout, coura sàra ben edsout lou senhal qu'es ben sarà me lou da ishì es la sima perqué ishò es l'escuma ed la saba, coura vègou le cucala ishì sai qu'es al pounto just e mi lou mìou ënte a subiet es bèlo lest, a mac pu d'atacar. Sa fai dai quinze d'abril ai quinze ed mai, fin tan que i arbou soun en saba. Aquel que ënta la boura la buta sempre da part ed fra en manièra que fourma sùbit la pianta bèla riounda perqué se la buta didin acò fai aquì acavalament de brancha bruta.

 

La siria:

La siria era la pu prejà per ese fa secar, lou mai que dounava ed réndita a la fin, onhi tre quilou d'ed vërda dounova en quilou ed sëcca.

 

Lou Garoun:

lou Garun saria aquel que fan i maron glacée mac que lou nostre garoun d'ishì a far i maron glacé val ren perqué didin es dividù da na telina que fai doua fisca.

 

Lou gentil.

 

La ploia.

 

Lou Doumesti:

De doumesti que serìa escaizi la questanha pu bona i n'a gaire. La ploia, la rousëtta, el garoun soùn d'aouta coualità ed questanha. Per fale coire i era dui sistema, la pela di partus da fa i moundai e lou perol a far la tatùa, da far le questanha buìa.

 

La tempourtiva:

La tempourtiva es la prima que mëoura, es na questanha qu'es ren grama ma nhanca tan tan bona, à na plaia que i permet ed far ed lounc viage sensa gastase e soupourtar i ezbals ed la temperatura, la soùa plàia es putost sel gris argentà.

 

La maroubia o lou maroubi.

 

LA VENDITA.

 

La véndita se praticava en touta le caza e i era dui journ a l 'ezmana ed marchà, lou luns e lou jòous, aloura tanti ann fa sentìen aribar i cartoun coun doua mula, se piava i sac, s'empinìen, se cuzìen, e apres coun na bara entrà ui aousàven lou sac, e se pezava coun l'escandài, man man se charjava. Onhi cartoun charjava vint sac dal couintal per anar len a Couni, mac que calàven sempre entrà dui o tres cartounir, perqué aquì al pount ed l'Oula na bestia soulëta i la fazìa ren a sorte amoun sus, touchava qu'i fous la treuina.