franco-provenzale

COUMUN D’ËNGRI

SITA’ METROPOULITANA ËD TURIN

Deliberasioun dlou Counsei Coumunal n. 4 dlou 09/04/2021.

OUJET: Stouquaje ëd rifiouti nuclear ën Canaves – Riquiesta a lou Gouern ëd gavar lou Canaves e le Terre dlou Erbaluce da la lista dle 67 aree idonee

RICHAMA’ la soua deliberasioun n. 8 dlou 23.05.2020 a oujet: “Regoulament per lou svouljiment dle sedute dli Organi dlou Coumun d’Ëngri ën fourma telematica. Aprouasioun”;

DA’ ATTO QUE, a li sens dlou Regoulament aprouà lou Sindic, lou Segretare e li Counsier Coumunai polount partequipar al la seduta ën coulegament coun la sala ën te que a se svolch la midema ën aoudiocounferense, videocounferense e/o telecounferense da post diferent da la sede istitousiounal dlou Coumun;

VERIFICA’ que a partechipount a distanse da le soue mizouns li Counsier: CLERICO Vilmo – POLETTO Renato – MADLENA Simone – TRUCANO Flavia;

VERIFICA’, pertan, da part dlou Segretare coumunal verbalizant la prezense dlou numer legal dli partechipant;

Esent legal lou numer dli intervenhù lou Sindic, Sig. Igor DE SANTIS, asum la presidense e a diquiarat douerta la seduta per la tratasioun dl’oujet joure indiquà.

LOU COUNSEI COUMUNAL

Premetù que

- ën tla nouait tra lou 4 e lou 5 ëd Jener, ën segoiuit a lou nulla osta dlou Gouern, la souchetà publiqua ëd jestioun dli impiant nuclear, “SOGIN”, aiàt diramà la “CNAPI” la Carta dle aree que a poudran ouspitar lou deposit nasiounal dli rifiuti radioatif italian;

- tra le 67 zone individuà tëm “aree poutensialment idonee” ies l’area ën prouncha ëd Tourin dli teritori ëd Roundisoun – Masè – Caluso;

- l’area bas-canavesana es tra le 12 ëd Clas 1, ossia tra li post da preferise a toiti li atre;

Rilevà que

- atre territore italian as sont rendù dispounibël a ouspitar li deposito radioatif ma a sont nhën shà pià ën counsiderasioun;

- lou Gouern aià adoutà na manere ëd far chentralista couinvouljent nhën minimament le Rejioun e li Coumun ënteresà;

- lo smog caousà da li svincoul dla A4 per lou polo lojistic d’Amazon, le discarique ëd Chivas e Torrazza, la central a biomassa dla ex Lancia, lou deposit dlou smarin dla Tav a Torrazza e la pousibël creasioun ëd n’impiant per la proudousioun ëd biometano e compost ën tl’area ex Edilias, a rapresentant ad lour proublematique e nhën risoulvoue emerjense ambiental, a le cal as pot nhën jiountar oi la creasion dën sito de stoucaje ëd rifiouti nuclear.

Evidensià que

- oi coun li problema ambiental elencà, lou Canaves e ën tlou dettalio le Terre dlou Erbaluce sont tra li territore que ën Italia ën tli ultiman a sont cresù de pì da lou pount ëd vista enogastonomic e dlou “Slow tourism”;

- lou deposit ëd material radioatif ën tën teritore agricoul e turistic simil, pourteris nhën atro que ulteriour dan e disajio, ëmpedent a sti teritore ishì ëd creser ancor e ëd diventar pouent e meta ëd riferiment internasiounal, boutant a risquio l’economia teritourial e la salute dli nost couchitadin.

Ëmpenha pertant lo Gouern

a ënvitar la souchetà publiqua, SOGIN, a moudificar la Carta Nasiounal dle arree Pountensialment Idonee (CNAPI) a la loucalizasioun dlou Deposit Nasiounal dli rifiouti radioatif, gavant da staishì lou Canaves e ën tlou dettalio li coumun ëd Caluso, Roundisoun e Masè.