En journ pra questo vio

En jouve da mariar

Ensem a na mendìo

Se fermo en po a blagar

-Que fasè bello mendìo

Vous c'avè mac vint' ann

En tal bon dl'età fiourìo

Ici a chapui a loug et l'ann?

-Cant que vien abril e mai

Mi men vàu ent'i champ e pra

A schancar i courcoumai

A desfar le darbonà.

Al tournar dal temp d'istà

Mi ben lesto et bonimour

Vàu pourtar ai nost seatour

La poulento coummoudà.

A l'outoun cant tucch'i Sant aruboun

E i fourn s'avisquen e tuboun

Mi duerbou la mait, gavou la carsouiro

Chapou la radouiro

Empastou lou pan

Abou le mie man.

D'uvern couro charamaio

Mi filou a la roucco

E cant que toucco

Sai et co far maio:

Maio et ris maio bernardo

Pi s'eslongo pi s'eslargo.

E mi siou bono a la tarnoiro

A pastar i taiarin

E fretar sus la lavoiro

Le braie e i soutanin.

E cant i toumbo na gran festo

Mi me guindou de bindel

Abiìà dai pe a la testo

Ma na reino den chastel.

-Tu sies na fiio en gambo,

N'estello, sies en fiour

Laisme co venir pi arambo

Se tu vos... fasen l'amour.

-Istme bràu... mon calegnaire

Se tu passes da mio maire

Ei chames et me spousar

Couro venempe dal Preire

Mi te fàupe veire

Que l'arnour la sai co far.